FIH ಪ್ರೊ ಲೀಗ್‌ ಹಾಕಿ : ಆರ್ಜೆಂಟೀನಾ ವಿರುದ್ಧ ರೋಚಕ ಜಯ

ಅಂಟ್ವೆರ್ಪ್‌ (ಬೆಲ್ಜಿಯಂ): ನಾಯಕ ಹರ್ಮನ್‌ಪ್ರೀತ್‌ ಸಿಂಗ್‌ ಅವರ ಹ್ಯಾಟ್ರಿಕ್‌ ಗೋಲುಗಳ ಸಾಹಸದಿಂದ ಆರ್ಜೆಂಟೀನಾ ವಿರುದ್ಧದ ಎಫ್ಐಎಚ್‌ ಪ್ರೊ ಲೀಗ್‌ ಹಾಕಿ ಪಂದ್ಯದಲ್ಲಿ ಭಾರತ 5-4 ಅಂತರದ ರೋಚಕ ಜಯ ಸಾಧಿಸಿದೆ.

ಹರ್ಮನ್‌ಪ್ರೀತ್‌ 29ನೇ, 50ನೇ ಹಾಗೂ 52ನೇ ನಿಮಿಷದಲ್ಲಿ ಗೋಲು ಸಿಡಿಸಿದರು. ಉಳಿದೆರಡು ಗೋಲು ಅರೈಜೀತ್‌ ಸಿಂಗ್‌ ಹುಂಡಾಲ್‌ (7ನೇ ನಿಮಿಷ) ಮತ್ತು ಗುರ್ಜಂತ್‌ ಸಿಂಗ್‌ (18ನೇ ನಿಮಿಷ) ಅವರಿಂದ ದಾಖಲಾಯಿತು.
ಆರ್ಜೆಂಟೀನಾ 3ನೇ ನಿಮಿಷದಲ್ಲೇ ಗೋಲು ಬಾರಿಸಿ ಮುನ್ನಡೆ ಸಾಧಿಸಿತ್ತು. ಮೊದಲ ಕ್ವಾರ್ಟರ್‌ 1-1ರಿಂದ ಸಮನಾಯಿತು. ಅನಂತರ ಎರಡೂ ತಂಡಗಳು ಬಿರುಸಿನ ಆಟಕ್ಕಿಳಿದವು. ಗೋಲಿನ ಸುರಿಮಳೆ ಆಯಿತು. ಭಾರತವಿನ್ನು ಜೂ. ಒಂದರಂದು ಜರ್ಮನಿ ವಿರುದ್ಧ ಆಡಲಿದೆ.