ಉಡುಪಿ: ನಾಯಿಗಾಗಿ ಯುವಕ-ಯುವತಿಯ ಗಲಾಟೆ; ಯುವಕನನ್ನು ಬಿಟ್ಟು ಯುವತಿಯೊಂದಿಗೆ ತೆರಳಿದ ನಾಯಿ!

ಉಡುಪಿ: ಯುವಕ, ಯುವತಿ ನಾಯಿಗಾಗಿ ಗಲಾಟೆ ನಡೆಸಿದ ಪ್ರಸಂಗ ಉಡುಪಿ ನಗರದ ಅಜ್ಜರಕಾಡು ಪೆಟ್‌ಶಾಪ್‌ ಬಳಿ ನಡೆದಿದೆ.

ಯುವಕನೊಬ್ಬ ಶುಕ್ರವಾರ ಸಾಯಂಕಾಲ ಅಜ್ಜರಕಾಡು ಪೆಟ್‌ ಶಾಪ್‌ ಬಳಿ ನಾಯಿಯನ್ನು ಕರೆದು ಕೊಂಡು ಬಂದಿದ್ದಾರೆ. ಆಕಸ್ಮಿಕವಾಗಿ ಅದೇ ಸ್ಥಳದಲ್ಲಿ ನಾಯಿಯನ್ನು ಕಂಡ ಯುವತಿಯೊಬ್ಬಳು ಇದು ನನ್ನ ನಾಯಿ; ಏಳೆಂಟು ತಿಂಗಳ ಹಿಂದೆ ನಾಪತ್ತೆಯಾಗಿತ್ತು. ನಿನ್ನ ಬಳಿ ಹೇಗೆ ಬಂತು ಎಂದು ಪ್ರಶ್ನಿಸಿದ್ದಾಳೆ.

ಇದನ್ನೂ ಓದಿ:ಉಡುಪಿ ಜಿಲ್ಲಾಧಿಕಾರಿ ಹೆಸರಿನಲ್ಲಿ ನಕಲಿ ಫೇಸ್‌ ಬುಕ್‌ ಖಾತೆ!

ಯುವಕ ಸಹ ಇದು ನನ್ನದೇ ನಾಯಿ. ನಿಮ್ಮ ನಾಯಿ ಅಲ್ಲ ಎಂದಿದ್ದಾರೆ. ಕಪ್ಪು ಬಣ್ಣದ ನಾಯಿಗಾಗಿ ಇಬ್ಬರ ನಡುವೆ ಕೆಲಕಾಲ ವಾಗ್ವಾದ ನಡೆದಿದೆ.

ಯುವತಿ ನಾಯಿಯ ಹೆಸರು ಹೇಳಿ ಕರೆದಿದ್ದು, ನಾಯಿ ಸಹ ಯುವತಿ ಜತೆ ಆತ್ಮೀಯವಾಗಿ ವರ್ತಿಸಿದೆ. ಬಳಿಕ ಹೊಯ್ಸಳ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಇಬ್ಬರ ಜಗಳ ಬಿಡಿಸಿ, ಮಾತುಕತೆ ಮೂಲಕ ರಾಜಿ ಮಾಡಿಸಿದ್ದಾರೆ.

ಇದನ್ನೂ ಓದಿ: ಈ ಕಾಂಗರುಗಳು ಜಗಳ ಆಡುತ್ತಿವೆಯೇ? ಅಥವಾ ತುಂಟಾಟ ಮಾಡುತ್ತಿವೆಯೇ?

ನಾಯಿ ಯುವತಿಯ ಜತೆಗೆ ಹೋಗಲು ಮನಸ್ಸು ಮಾಡುವ ಮೂಲಕ ಪ್ರಕರಣ ಇತ್ಯರ್ಥ ಕಂಡಿತು.