ರಾಜಸ್ಥಾನದ ಸುಮನ್‌ಗೆ ಮಿಸ್‌ ಇಂಡಿಯಾ ಕಿರೀಟ

ಮುಂಬಯಿ: ಪ್ರಸಕ್ತ ವರ್ಷದ ಫೆಮಿನಾ ಮಿಸ್‌ ಇಂಡಿಯಾ ವರ್ಲ್ಡ್ 2019 ಕಿರೀಟವು ರಾಜಸ್ಥಾನದ ಚೆಲುವೆ ಸುಮನ್‌ ರಾವ್‌ ಅವರ ಪಾಲಾಗಿದೆ. ಮುಂಬಯಿನ ಸರ್ದಾರ್‌ ವಲ್ಲಭಭಾಯಿ ಪಟೇಲ್‌ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸುಮನ್‌ ರಾವ್‌ ಫೆಮಿನಾ ಮಿಸ್‌ ಇಂಡಿಯಾ ಆಗಿ ಆಯ್ಕೆಯಾದರು.

ಕಳೆದ ವರ್ಷ ಮಿಸ್‌ ಇಂಡಿಯಾ ಆಗಿ ಆಯ್ಕೆಯಾಗಿದ್ದ ತಮಿಳು ನಾಡಿನ ಅನುಕ್ರೀತಿ ವಾಸ್‌ ಅವರು ಸುಮನ್‌ಗೆ ಕಿರೀಟ ತೊಡಿಸಿ ದರು. 20ರ ಹರೆಯದ ಕಾಲೇಜು ವಿದ್ಯಾರ್ಥಿನಿಯಾಗಿರುವ ಸುಮನ್‌, ಥಾಯ್ಲೆಂಡ್‌ನ‌ಲ್ಲಿ ನಡೆಯಲಿ ರುವ ಮಿಸ್‌ ವರ್ಲ್x 2019 ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ. ಛತ್ತೀಸ್‌ ಗಡದ ಶಿವಾನಿ ಜಾಧವ್‌ ಅವರು ಫೆಮಿನಾ ಮಿಸ್‌ ಗ್ರಾಂಡ್‌ ಇಂಡಿಯಾ 2019 ಪ್ರಶಸ್ತಿ ಗೆದ್ದರೆ, ಮಿಸ್‌ ಇಂಡಿಯಾ ಯುನೈಟೆಡ್‌ ಕಾಂಟಿನೆಂಟ್ಸ್‌ ಪ್ರಶಸ್ತಿಯು ಬಿಹಾರದ ಶ್ರೇಯಾ ಶಂಕರ್‌ ಮುಡಿಗೇರಿದೆ.