Advertisement
ಜಿನ್ಸನ್‌ ಜಾನ್ಸನ್‌ ಮತ್ತು ರಾಜೀವ್‌ ಆರೋಕಿಯ ಕ್ರಮವಾಗಿ ಪುರುಷರ 1,500 ಮತ್ತು 400 ಮೀ. ಓಟದಲ್ಲಿ ಗೆಲುವು ಸಾಧಿಸಿದ್ದಾರೆ. ಹೆಪಾrತ್ಲೀಟ್‌ ಸ್ವಪ್ನಾ ಬರ್ಮನ್‌ 5,900 ಅಂಕಗಳೊಂದಿಗೆ 7 ವಿಭಾಗದ ಸ್ಪರ್ಧೆಯನ್ನು ಮೊದಲ ಸ್ಥಾನದಲ್ಲಿ ಮುಗಿಸಿದ್ದಾರೆ. ಈ ಮೂವರೂ ಕ್ರೀಡಾಪಟುಗಳು ಏಶ್ಯನ್‌ ಚಾಂಪಿಯನ್‌ಶಿಪ್‌ಗೆ ಅರ್ಹತೆ ಪಡೆದಿದ್ದಾರೆ.
ಪಿಯುಸಿ ಪರೀಕ್ಷೆ ಕಾರಣ ಒಂದು ತಿಂಗಳು ತರಬೇತಿ ನಿಲ್ಲಿಸಿದ್ದ 19 ವರ್ಷ ಹಿಮಾ ದಾಸ್‌ 400 ಮೀ. ಓಟವನ್ನು 52.88 ಸೆಕೆಂಡ್‌ಗಳಲ್ಲಿ ಮುಗಿಸಿದ್ದಾರೆ. ಇದು ಅವರ ರಾಷ್ಟ್ರೀಯ ದಾಖಲೆ 50.79 ಸೆಕೆಂಡ್‌ಗಿಂತಲೂ ಕಳಪೆ. ಹಾಗೆಯೇ ಏಶ್ಯನ್‌ ಚಾಂಪಿಯನ್‌ಶಿಪ್‌ಗೆ ಭಾರತೀಯ ಆ್ಯತ್ಲೆಟಿಕ್‌ ಫೆಡರೇಶನ್‌ನ ಅರ್ಹತಾ ಮಾನದಂಡ 52.75 ಸೆಕೆಂಡ್‌ಗಿಂತ ಸ್ವಲ್ಪ ಕಡಿಮೆಯಾಗಿದೆ. ಆದರೆ ಹಿಂದಿನ ಪ್ರದರ್ಶನ ಹಾಗೂ ಒಟ್ಟು ಸಾಮರ್ಥ್ಯವನ್ನು ಪರಿಗಣಿಸಿ ದೋಹಾದಲ್ಲಿ ಮುಂದಿನ ತಿಂಗಳು ನಡೆಯಲಿರುವ ಏಶ್ಯನ್‌ ಚಾಂಪಿಯನ್‌ಶಿಪ್‌ಗೆ ಹಿಮಾ ದಾಸ್‌ ಅವಕಾಶ ಪಡೆಯುವ ಸಾಧ್ಯತೆ ಇದೆ.