Advertisement
ಫ‌ವಾದ್‌ ಆಲಂ 2009ರಲ್ಲಿ ಶ್ರೀಲಂಕಾ ವಿರುದ್ಧ ಕೊಲಂಬೊದಲ್ಲಿ ಟೆಸ್ಟ್‌ ಪದಾರ್ಪಣೆ ಮಾಡಿದ್ದರು. ಅದೇ ವರ್ಷ ನ್ಯೂಜಿಲ್ಯಾಂಡ್‌ ವಿರುದ್ಧದ ಡ್ಯುನೆಡಿನ್‌ ಟೆಸ್ಟ್‌ ಬಳಿಕ ತಂಡದಿಂದ ಬೇರ್ಪಟ್ಟರು. ಹೆಚ್ಚು ಕಡಿಮೆ 11 ವರ್ಷಗಳ ಬಳಿಕ ಅವರು ಮರಳಿ ಟೆಸ್ಟ್‌ ತಂಡವನ್ನು ಕೂಡಿಕೊಂಡಿದ್ದಾರೆ.ಅಂದು ಕೇವಲ 3 ಟೆಸ್ಟ್‌ ಪಂದ್ಯಗಳನ್ನಾಡಿದ್ದ ಆಲಂ, ಒಂದು ಶತಕ ಸಹಿತ 250 ರನ್‌ ಪೇರಿಸಿದ್ದರು. ಪದಾರ್ಪಣ ಪಂದ್ಯದಲ್ಲೇ 168 ರನ್‌ ಬಾರಿಸಿ ಮಿಂಚಿದ್ದರು. ಆದರೆ ತಂಡದ ಖಾಯಂ ಸದಸ್ಯನಾಗಲು ಅವರಿಗೆ ಸಾಧ್ಯವಾಗಲಿಲ್ಲ. ಈ ಅವಧಿಯಲ್ಲಿ ಅವರು 88 ಟೆಸ್ಟ್‌ ಪಂದ್ಯಗಳಿಂದ ದೂರ ಉಳಿದಿದ್ದರು.
ಸೌತಾಂಪ್ಟನ್‌ ಟೆಸ್ಟ್‌ ಪಂದ್ಯಕ್ಕೆ ಮೊದಲ ದಿನವೇ ಮಳೆಯಿಂದ ಅಡ್ಡಿಯಾಗಿದೆ. ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡ ಪಾಕಿಸ್ಥಾನ, ಪಂದ್ಯ ಸ್ಥಗಿತಗೊಂಡಾಗ 2 ವಿಕೆಟಿಗೆ 85 ರನ್‌ ಗಳಿಸಿತ್ತು.