ಇದು ಎಲ್ಲಾ ವರ್ಗದವರಿಗೂ ಲಾಭದಾಯಕ ಬಜೆಟ್‌ :ಮೋದಿ ಬಣ್ಣನೆ  

ಹೊಸದಿಲ್ಲಿ: ಕೇಂದ್ರ ಹಣಕಾಸು ಸಚಿವ ಅರುಣ್‌ ಜೇಟ್ಲಿ ಅವರು ಮಂಡಿಸಿರುವ ಬಜೆಟ್‌ ಎಲ್ಲಾ ವರ್ಗದವರಿಗೂ ಲಾಭದಾಯಕವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಬಣ್ಣಿಸಿದ್ದಾರೆ.

ಬಜೆಟ್‌ ಮಂಡನೆಯ ಬಳಿಕ ಮಾತನಾಡಿದ ಪ್ರಧಾನಿ ‘ನಾವು ಎಲ್ಲರ ಅಶಯ,ಅಪೇಕ್ಷೆಗಳನ್ನು ಈಡೇರಿಸುವ ನಿಟ್ಟಿನಲ್ಲಿ ಬಜೆಟ್‌ ಮಂಡಿಸಿದ್ದು, ಇದು  ರೈತ ಮಿತ್ರ, ಸಾಮಾನ್ಯ ಮಿತ್ರ, ವ್ಯವಹಾರ ಮಿತ್ರ  ಮತ್ತು ಅಭಿವೃದ್ಧಿ ಪರ ವಾದ ಬಜೆಟ್‌’ ಎಂದರು. 

‘ವ್ಯವಹಾರದ ಜೊತೆ ಉದ್ಯಮ ವರ್ಗದವರಿಗೂ ಲಾಭದಾಯಕ ಬಜೆಟ್‌ ಆಗಿದ್ದು,  21ನೇ  ಶತಮಾನದ ಭಾರತಕ್ಕಾಗಿ,  ಆರೋಗ್ಯ ಸುರಕ್ಷೆಯತ್ತ  ಹೆಜ್ಜೆ ಇಟ್ಟಿದ್ದೇವೆ’ ಎಂದರು. 

‘ರೈತರು ತಮ್ಮ ಉತ್ಪನ್ನಗಳನ್ನು ನೀಡುವ ಮೂಲಕ  ದೇಶದ ವಿಕಾಸಕ್ಕೆ ಐತಿಹಾಸಿಕ ಕೊಡುಗೆ ನೀಡಿದ್ದಾರೆ.ಅವರ ಅನುಕೂಲಕ್ಕಾಗಿ ಹಲವು ಯೋಜನೆಗಳನ್ನು ನೀಡಿದ್ದೇವೆ’ ಎಂದರು. 

‘ಇದು ದಲಿತ ,ಪೀಡಿತ ,ಶೋಷಿತ ಮತ್ತು ವಂಚಿತರಿಗೂ ಸಿಗುವ ಬಜೆಟ್‌’ ಎಂದರು. 

‘ಆಹಾರ ಉತ್ಪನ್ನಗಳಿಂದ ಹಿಡಿದು, ಫೈಬರ್‌ ಆಪ್ಟಿಕ್ಸ್‌ , ರಸ್ತೆ, ಸಮುದ್ರಯಾನ, ಯುವಕರಿಂದ ಹಿರಿಯ ನಾಗರಿಕರ ವರೆಗೆ, ಗ್ರಾಮೀಣ ಭಾರತದಿಂದ ಆಯುಷ್ಮಾನ್‌ ಭಾರತ್‌, ಡಿಜಿಟಲ್‌ ಇಂಡಿಯಾ ದಿಂದ ಸ್ಟಾರ್ಟ್‌ ಅಪ್‌ ಇಂಡಿಯಾ ವರೆಗೆ ಈ ಬಜೆಟ್‌ ಕೋಟ್ಯಂತರ ಭಾರತೀಯರ ಆಸೆ ಆಕಾಂಕ್ಷೆಗಳನ್ನು ಗಟ್ಟಿಗೊಳಿಸಲಿದೆ’ ಎಂದರು.