US Polls; ಟ್ರಂಪ್‌ಗೆ ಗೆಲುವು: ಭವಿಷ್ಯ ನುಡಿದ ಪ್ರಸಿದ್ಧ ನೀರಾನೆ ಮೂಡೆಂಗ್‌

ನವದೆಹಲಿ: ಥಾಯ್ಲೆಂಡ್‌ನ‌ಲ್ಲಿರುವ “ಮೂಡೆಂಗ್‌’ ಎಂಬ ಪ್ರಸಿದ್ಧ ನೀರಾನೆ ಮರಿ ಈ ಬಾರಿ ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೊನಾಲ್ಡ್‌ ಟ್ರಂಪ್‌ ಗೆಲುವು ಪಡೆಯಲಿದ್ದಾರೆ ಎಂದು ಭವಿಷ್ಯ ನುಡಿದಿದೆ.

ಇಂಟರ್ನೆಟ್‌ನಲ್ಲಿ ಬಾರೀ ಜನಪ್ರಿಯತೆ ಪಡೆದಿರುವ ಮೂ ಡೆಂಗ್‌ ಭವಿಷ್ಯದ ವಿಡಿಯೋ ಈಗ ವೈರಲ್‌ ಆಗಿದೆ. ಸಿ ರಾಚಾದಲ್ಲಿರುವ ಖಾವ್‌ ಕಿವೋ ಮೃಗಾಲಯದಲ್ಲಿ ಚಿತ್ರೀಕರಿಸಲಾದ ವಿಡಿಯೋದಲ್ಲಿ ಎರಡು ಪ್ರತ್ಯೇಕ ಹಣ್ಣಿನ ಬುಟ್ಟಿಯನ್ನು ಇಟ್ಟು, ಒಂದರಲ್ಲಿ ಟ್ರಂಪ್‌ ಹಾಗೂ ಮತ್ತೂಂದರಲ್ಲಿ ಕಮಲಾ ಹ್ಯಾರಿಸ್‌ ಹೆಸರು ಬರೆಯಲಾಗಿತ್ತು. ನೀರಿನಿಂದ ಹೊರಬಂದ ಮೂಡೆಂಗ್‌ ಟ್ರಂಪ್‌ ಹೆಸರಿದ್ದ ಹಣ್ಣನ್ನು ತಿನ್ನುವುದರೊಂದಿಗೆ ಚುನಾವಣೆಯಲ್ಲಿ ಗೆಲ್ಲುವವರನ್ನು ಗುರುತಿಸಿದೆ.