ಉಗ್ರನ FB ಖಾತೆ ರದ್ದು

ಲಾಹೋರ್‌: ಮುಂಬಯಿ ದಾಳಿ ಸಂಚುಕೋರ, ಉಗ್ರ ಹಫೀಜ್‌ ಸಯೀದ್‌ ನ ರಾಜಕೀಯ ಪಕ್ಷ MMLನ ಫೇಸ್‌ ಬುಕ್‌ ಖಾತೆಯನ್ನು ಪಾಕಿಸ್ತಾನದ ಸಾರ್ವತ್ರಿಕ ಚುನಾವಣೆಗೂ ಕೆಲವೇ ದಿನಗಳಿಗೆ ಮುನ್ನ ರದ್ದುಗೊಳಿಸಲಾ ಗಿದೆ ಎಂದು ತಿಳಿದುಬಂದಿದೆ. ಮಿಲಿ ಮುಸ್ಲಿಂ ಲೀಗ್‌ ನ ಫೇಸ್‌ ಬುಕ್‌ ಪುಟ ಹಾಗೂ ಹಲವು ಖಾತೆಗಳನ್ನೂ ನಿಷ್ಕ್ರಿಯಗೊಳಿಸಲಾಗಿದೆ. ಭಾರತ, ಪಾಕಿಸ್ತಾನ ಹಾಗೂ ಇತರ ದೇಶಗಳ ಚುನಾವಣೆ ವೇಳೆ ಧನಾತ್ಮಕ ಅಂಶಗಳನ್ನು ಬಿಂಬಿಸುವ ಮತ್ತು ದುರ್ಬಳಕೆ ತಡೆಯುವುದಕ್ಕೆ ಫೇಸ್‌ ಬುಕ್‌ ಬದ್ಧವಾಗಿದೆ ಎಂದು ಇತ್ತೀಚೆಗಷ್ಟೇ ಸಂಸ್ಥೆ ಮುಖ್ಯಸ್ಥ ಝುಕರ್‌ಬರ್ಗ್‌ ಹೇಳಿದ್ದರು.