“ಅನುಭೂತಿ’ಯಲ್ಲಿ ಪಡೆಯಿರಿ ಅನುಭವ

ಚೆನ್ನೈನಿಂದ ಬೆಂಗಳೂರು ಮೂಲಕ ಸಂಚರಿಸುವ ಶತಾಬ್ದಿ ಎಕ್ಸ್‌ಪ್ರೆಸ್‌ನಲ್ಲಿ ಗುರುವಾರದಿಂದ ಅನುಭೂತಿ ಕೋಚ್‌ ಅನ್ನು ಜೋಡಿಸಲಾಗಿದೆ. ಪ್ರಯಾಣಿಕರಿಗೆ ಸಂಕ್ರಾತಿಯ ಕೊಡುಗೆ ಇದು ಎಂದು ದಕ್ಷಿಣ ರೈಲ್ವೆ ಹೇಳಿಕೊಂಡಿದೆ. ವಿಮಾನದಲ್ಲಿ ಇರುವಂಥ ವೈಭವೋಪೇತ ವ್ಯವಸ್ಥೆಗಳನ್ನು ರೈಲುಗಳಲ್ಲಿಯೂ ಒದಗಿಸುವ ಪ್ರಯತ್ನವಾಗಿ ಭಾರತೀಯ ರೈಲ್ವೆ ಈ ವ್ಯವಸ್ಥೆ ಜಾರಿ ಮಾಡಿದೆ.

ಏನು ವಿಶೇಷತೆಗಳು
-ಬೋಗಿಯಲ್ಲಿ ಸುಧಾರಣೆಗೊಂಡ ಒಳಾಂಗಣ ವಿನ್ಯಾಸ, ಸೀಟ್‌ಗಳು, ಎಲ್‌ಸಿಡಿ ಸ್ಕ್ರೀನ್‌ಗಳು.
-ಅತ್ಯಾಧುನಿಕ ಶೌಚಾಲಯಗಳು ಹ್ಯಾಂಡ್ಸ್‌ ಫ್ರೀ.
-ಬೋಗಿಯ ಗೋಡೆಗಳಲ್ಲಿ ಭಿತ್ತಿಪತ್ರ ಅಂಟಿಸದಂತೆ ವ್ಯವಸ್ಥೆ.
-ಆರಾಮವಾಗಿ ಕಾಲುಗಳನ್ನು ಇರಿಸಲು ವ್ಯವಸ್ಥೆ.
-ಶೇ.20-25 ಪ್ರಥಮ ದರ್ಜೆ ಪ್ರಯಾಣಕ್ಕೆ ಹೋಲಿಕೆ ಮಾಡಿದರೆ ಟಿಕೆಟ್‌ ದರ ಇಷ್ಟು ಹೆಚ್ಚು.
-30-35 ಲಕ್ಷ ರೂ.ರೈಲ್ವೆ ಇಲಾಖೆ ಬೋಗಿಗಾಗಿ ಮಾಡಿದ ಹೆಚ್ಚುವರಿ ವೆಚ್ಚ.
-2.5 ಕೋಟಿ ರೂ. ಹೆಚ್ಚಿನ ವಿನ್ಯಾಸವಿಲ್ಲದೆ ಸಾಮಾನ್ಯವಾಗಿ ನಿರ್ಮಾಣ ಮಾಡುವ ಬೋಗಿಗೆ ತಗಲುವ ವೆಚ್ಚ.
-56 ಒಂದು ಬೋಗಿಯಲ್ಲಿ ಕೂರಬಹುದಾದ ಪ್ರಯಾಣಿಕರು.
-22007 ಮತ್ತು 22008- ಚೆನ್ನೈ-ಮೈಸೂರು ಪ್ರಯಾಣಿಕರು ಸೀಟು ಕಾಯ್ದಿರಿಸಲು ಆಯ್ಕೆ ಮಾಡಬೇಕಾದ ಬೋಗಿಗಳ ಸಂಖ್ಯೆ.

ಆಯ್ದ ರೂಟ್‌ಗಳು: ನವದೆಹಲಿಯಿಂದ ಚಂಡೀಗಡ, ಲಕ್ನೋ, ಅಮೃತಸರ, ಜೈಪುರಕ್ಕೆ ಸಂಚರಿಸುವ ಶತಾಬ್ದಿ ಎಕ್ಸ್‌ಪ್ರೆಸ್‌ಗಳಲ್ಲಿ ಈ ಕೋಚ್‌ ಜೋಡಣೆ.