ಮುದುಕನಿಗ್ಯಾಕಯ್ಯಾ ಮತ್ತೊಂದು ಮದುವೆ!:ಮಾಜಿ ಸಿಎಂ ಸಿದ್ದರಾಮಯ್ಯ ಜೋಕ್

ಮೈಸೂರು: ನನಗೀಗ 71, ಈ ವಯಸ್ಸಿನಲ್ಲಿ ಮತ್ತೊಂದು ಮದುವೆ ಯಾಕಯ್ಯಾ ಎಂದು ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಸ್ಯ ಚಟಾಕಿ ಹಾರಿಸಿದ್ದಾರೆ. 

ಮೈಸೂರಿನಲ್ಲಿ  ಬುಧವಾರ ಕಾಂಗ್ರೆಸ್‌ ಅಭ್ಯರ್ಥಿಗಳ ಸೋಲು ಗೆಲುವಿನ ಆತ್ಮಾವಲೋಕನ ಸಭೆಯಲ್ಲಿ  ಮಾತನಾಡಿದ ಸಿದ್ದರಾಮಯ್ಯ  ಬಾದಾಮಿಯಲ್ಲಿ  ನಡೆದ ಆತ್ಮಾವಲೋಕನ ಸಭೆಯಲ್ಲಿ ಮಾಜಿ ಶಾಸಕ ಚಿಮ್ಮನಕಟ್ಟಿ ಅವರು ಹೇಳಿದ ಮಾತು ನೆನಪಿಸಿಕೊಂಡರು. 

‘ನಿಮಗೆ 71 ಅಲ್ಲ ಸರ್‌ 21. ನಾವು ಮತ್ತೊಂದು ಮದುವೆ ಮಾಡುವ ಯೋಚನೆಯಲ್ಲಿದ್ದೇವೆ ಎಂದಿದ್ದರು. ಈ ಮಾತನ್ನು ಯಾರಾದರು ಹುಡುಗಿಯರು ಕೇಳಿಸಿಕೊಂಡರೆ ತಪ್ಪು ತಿಳಿದುಕೊಳ್ತಾರೆ . ನನಗೆ 71 ಆಗಿದೆ. ಮುದುಕನಿಗೆ ಯಾಕಪ್ಪಾ ಇನ್ನೊಂದು ಮದುವೆ’ ಎಂದು ಸಭೆಯಲ್ಲಿದ್ದವರನ್ನೆಲ್ಲಾ ನಗೆ ಗಡಲಲ್ಲಿ ತೇಲಿಸಿದರು. ಇದೇ ವೇಳೆ ‘ಹೃದಯವಂತಿಕೆಯಲ್ಲಿ ಸದಾ ಯುವಕ’ ಅಂದರು.