16,500 ಹಳ್ಳಿಗಳಿಗೆ ಗ್ರಾಮ ಸ್ವರಾಜ್‌

ದೆಹಲಿ: ದೇಶದ 16,500 ಹಳ್ಳಿಗಳಲ್ಲಿ ಇತ್ತೀಚೆಗೆ ನಡೆದ “ಗ್ರಾಮ ಸ್ವರಾಜ್‌ ಅಭಿಯಾನ’ದ ಮೂಲಕ ಪ್ರಧಾನಿ ನರೇಂದ್ರ ಮೋದಿಯವರ ಏಳುಕನಿಷ್ಠ ಸೌಲಭ್ಯಗಳ ಯೋಜನೆಯನ್ನು ಯಶಸ್ವಿಯಾಗಿ ತಲುಪಿಸಲಾಗಿದೆ ಎಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್‌ ಶಾ ತಿಳಿಸಿದ್ದಾರೆ.

ಬಡವರಿಗೆ ಎಲ್‌ಪಿಜಿ ಸಂಪರ್ಕ ನೀಡುವಿಕೆ ಸೇರಿದಂತೆ ಮೂಲ ಯೋಜನೆಗಳನ್ನು ಮೋದಿಯವರು 2019ರ ಲೋಕಸಭೆ ಚುನಾವಣೆಯೊಳಗೆ ದೇಶದ ಎಲ್ಲಾ ಹಳ್ಳಿಗಳಿಗೂ ಸಮರ್ಥವಾಗಿ ತಲುಪಿಸುವ ವಿಶ್ವಾಸವಿದೆ ಎಂದು ಅವರು ತಿಳಿಸಿದ್ದಾರೆ. ದೇಶದ ಅತ್ಯಂತ ಹಿಂದುಳಿತ 115 ಜಿಲ್ಲೆಗಳ 45,000 ಹಳ್ಳಿಗಳಲ್ಲಿನ ಕಡು ಬಡವರ ಮನೆ ಬಾಗಿಲಿಗೆ ಸರ್ಕಾರಿ ಯೋಜನೆಗಳನ್ನು ತಲುಪಿಸುವ ಗ್ರಾಮ ಸ್ವರಾಜ್‌ ಅಭಿಯಾನ, ಏ. 14ರಿಂದ ಮೇ 5ರವರೆಗೆ ನಡೆದಿತ್ತು.