ಚಿತ್ರಕಲಾ ಪರಿಷತ್ತಿನಲ್ಲಿ ಸಂಜೆ ಕಾಲೇಜು

ಒಂದು ಚಿತ್ರ ಸಾವಿರಾರು ಕತೆ ಹೇಳುತ್ತೆ. ಸಾವಿರಾರು ಧ್ವನಿಯನ್ನು ಹೊಮ್ಮಿಸುತ್ತೆ. ನಿಸ್ತೇಜವಾಗಿದ್ದ ಮನಸ್ಸನ್ನು ಹೂವಿನಂತೆ ಅರಳಿಸುತ್ತೆ. ಪೇಂಟಿಂಗ್‌ ಎನ್ನುವುದೇ ಒಂದು ಮಾಯಾಕಲೆ. ಹಾಗಾದರೆ, ಅದನ್ನು ಕಲಿಯುವ ಮಾರ್ಗ ಯಾವುದು? ಅದನ್ನು ಫ‌ುಲ್‌ಟೈಮ್‌ ಕಾಲೇಜಿಗೆ ಹೋಗಿಯೇ ಕಲಿಯಬೇಕೇ? “ಇಲ್ಲ, ಹಾಗೇನೂ ಇಲ್ಲ’ ಎನ್ನುತ್ತಿದೆ ಕರ್ನಾಟಕ ಚಿತ್ರಕಲಾ ಪರಿಷತ್‌. ದೇಶದಲ್ಲೇ ಮೊದಲ ಬಾರಿಗೆ ಅದು ಸಂಜೆ ಕಾಲೇಜನ್ನು ತೆರೆದಿದೆ.

ಆಸಕ್ತರು ಹಗಲು ತಮ್ಮ ತಮ್ಮ ವೃತ್ತಿಗಳಲ್ಲಿ ತೊಡಗಿಕೊಂಡೂ, ಸಂಜೆ ಈ ಆರ್ಟ್‌ ತರಗತಿಗಳಲ್ಲಿ ಪಾಲ್ಗೊಳ್ಳಬಹುದು. ನುರಿತ ಕಲಾವಿದರಿಂದ ಕಲೆಯ ಪಾಠ ಕಲಿಯಬಹುದು. ಸಂಜೆ ಕಾಲೇಜಿನಲ್ಲಿ ಕೃತಕ ಬೆಳಕಿನ ಅಡಿಯಲ್ಲಿ ವಿಭಿನ್ನ ಕಲಾ ಪ್ರಕಾರಗಳನ್ನು ಅಭ್ಯಸಿಸಬಹುದು. ದ್ವಿತೀಯ ಪಿಯುಸಿ ಉತ್ತೀರ್ಣರಾದ ವಿದ್ಯಾರ್ಥಿಗಳು ಬಿ.ವಿ.ಎ. 4 ವರ್ಷ 8 ಸೆಮಿಸ್ಟರ್‌ಗಳು, ಎಂ.ವಿ.ಎ 4 ಸೆಮಿಸ್ಟರ್‌ಗಳು 2 ವರ್ಷ ಇದರಲ್ಲಿ ಚಿತ್ರಕಲೆ, ಅನ್ವಯಕಲೆ, ಶಿಲ್ಪಕಲೆ, ಗ್ರಾಫಿಕ್‌, ಕಲಾ ಇತಿಹಾಸ ವಿಭಾಗಗಳ ಅಡಿಯಲ್ಲಿ ಅಧ್ಯಯನ ಮಾಡುವ ಅವಕಾಶವಿದೆ.

ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ: 080-22261816/ 22263424