ನಿಯತಕಾಲಿಕೆಗಾಗಿ ಮತ್ತೆ ಬೆತ್ತಲಾದ ಟೆನಿಸ್‌ ಆಟಗಾರ್ತಿ ಬೌಷರ್ಡ್‌

ನವದೆಹಲಿ: ಖ್ಯಾತ ಟೆನಿಸ್‌ ತಾರೆ ಕೆನಡಾದ ಯೂಜಿನಿ ಬೌಷರ್ಡ್‌ ಸತತ ಎರಡನೇ ವರ್ಷ ನ್ಪೋರ್ಟ್ಸ್ ಇಲ್ಲುಸ್ಟ್ರೇಟೆಡ್‌ ನಿಯತಕಾಲಿಕೆಗಾಗಿ ಈಜು ಉಡುಪಿನಲ್ಲಿ ಅರೆಬೆತ್ತಲೆ ಪೋಸ್‌ ನೀಡಿದ್ದಾರೆ.

ಇದನ್ನು ಸ್ವತಃ ಆಕೆ ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಮ್‌ನಲ್ಲಿ ಪ್ರಕಟಿಸಿಕೊಂಡಿದ್ದಾರೆ. ಇವರೊಂದಿಗೆ ಮತ್ತೋರ್ವ ಟೆನಿಸ್‌ ಆಟಗಾರ್ತಿ ಅಮೆರಿಕದ ಸ್ಲೊನ್‌ ಸ್ಟೀಫೆನ್ಸ್‌, ಅಮೆರಿಕ ಜಿಮ್ನಾಸ್ಟಿಕ್‌ ಸ್ಪರ್ಧಿ ಅಲಿ ರೈಸ್ಮಾನ್‌, ಗಾಲ#ರ್‌ ಸ್ಪಿರನಾಕ್‌ ಕೂಡ ಬೆತ್ತಲಾಗಿ ಫೋಟೋ ಕ್ಲಿಕ್ಕಿಸಿಕೊಂಡಿದ್ದಾರೆ. ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಕಳೆದ ವರ್ಷ ಕೊಂಚ ಹೆದರಿದ್ದೆ. ಈ ಸಲ ಭಯವಿಲ್ಲದೆ ಫೋಟೋ ತೆಗೆಸಿಕೊಂಡೆ ಎಂದು ಬೌಷರ್ಡ್‌ ಪ್ರತಿಕ್ರಿಯೆ ನೀಡಿದ್ದಾರೆ. 

ಬೌಷರ್ಡ್‌ ಕಳೆದ ವರ್ಷ ಕೂಡ ನಿಯತಕಾಲಿಕೆಯ ಮುಖಪುಟಕ್ಕಾಗಿ ಬೆತ್ತಲಾಗಿದ್ದರು. ಇವರೊಂದಿಗೆ ಅಮೆರಿಕದ ಖ್ಯಾತ ಟೆನಿಸ್‌ ಆಟಗಾರ್ತಿ ಸೆರೆನಾ ವಿಲಿಯಮ್ಸ್‌, ಡೆನ್ಮಾರ್ಕ್‌ನ ಕ್ಯಾರೋಲಿನಾ ವೋಜ್ನಿಯಾಕಿ ಕೂಡ ಬೆತ್ತಲಾಗಿ ಫೋಟೋ ತೆಗೆಸಿಕೊಂಡಿದ್ದನ್ನು ಸ್ಮರಿಸಬಹುದು.