ಇಯು ಕಪ್ಪುಪಟ್ಟಿಯಿಂದ ಏಳು ರಾಷ್ಟ್ರಗಳ ಮುಕ್ತಿ 

ಬ್ರಸೇಲ್ಸ್‌: ತೆರಿಗೆ ಕಳ್ಳರ ಸ್ವರ್ಗವೆಂಬ ಕುಖ್ಯಾತಿ ಪಡೆದ ಹಿನ್ನೆಲೆಯಲ್ಲಿ ಐರೋಪ್ಯ ಒಕ್ಕೂಟ (ಇಯು) ತಯಾರಿಸಿದ್ದ ಕಪ್ಪು ಪಟ್ಟಿಯಿಂದ ಏಳು ರಾಷ್ಟ್ರಗಳನ್ನು ಹೊರಗಿಡಲಾಗಿದೆ. ಪನಾಮಾ, ಯುಎಇ, ಟ್ಯುನೇಶಿಯಾ, ಮಂಗೋಲಿಯ, ಮಕಾವು, ಗ್ರೆನೆಡಾ, ಬಾರ್ಬಡೋಸ್‌, ಪಟ್ಟಿಯಿಂದ
ಹೊರಬಂದ ರಾಷ್ಟ್ರಗಳು. 

ತೆರಿಗೆ ಕಳ್ಳರನ್ನು ಮಟ್ಟಹಾಕುವ ಉದ್ದೇಶದಿಂದ ತೆರಿಗೆಗಳ್ಳರ ಸ್ವರ್ಗ ಎನಿಸಿರುವ ಐರೋಪ್ಯ ಒಕ್ಕೂಟದ ಹದಿನೇಳು ರಾಷ್ಟ್ರಗಳನ್ನು “17 ನಾನ್‌-ಇಯು’ ಹೆಸರಿನ ಪಟ್ಟಿಯಲ್ಲಿ ಸೇರಿಸಿ, ಒಕ್ಕೂಟದಿಂದ ಹೊರಗಿಡಲಾಗಿತ್ತು. 

ಏಳು ರಾಷ್ಟ್ರಗಳನ್ನು ಹೊರಗಿಟ್ಟಿರುವುದು ತೆರಿಗೆ ವಂಚಕರಿಗೆ ತಮ್ಮ ಕುಕೃತ್ಯ ಮುಂದುವರಿಸಲು ನೇರ ಅನುಕೂಲ ಕಲ್ಪಿಸಿದಂತಾಗಿದೆ ಎಂದು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಟೀಕೆಗಳು ವ್ಯಕ್ತವಾಗಿವೆ.