ಇಥಿಯೋಪಿಯಾ ಮೊದಲ ಉಪಗ್ರಹ ಉಡಾವಣೆ

ಅಡ್ಡಿಸ್‌ ಅಬಾಬಾ: ಆಫ್ರಿಕಾ ಖಂಡದ ಪೂರ್ವ ಭಾಗದಲ್ಲಿರುವ ಇಥಿಯೋಪಿಯಾ ತನ್ನ ಇತಿಹಾಸದಲ್ಲಿಯೇ ಮೊದಲ ಬಾರಿಗೆ ಉಪಗ್ರಹ ಉಡಾವಣೆ ಮಾಡಿದೆ. ಚೀನದಲ್ಲಿರುವ ಬಾಹ್ಯಾಕಾಶ ಕೇಂದ್ರದಿಂದ ಇಥಿಯೋಪಿಯಾ ರಿಮೋಟ್‌ ಸೆನ್ಸಿಂಗ್‌ ಸ್ಯಾಟಲೈಟ್‌ ಅನ್ನು ಉಡಾಯಿಸಲಾಗಿದೆ. ಈ ಬಗ್ಗೆ ಹರ್ಷ ವ್ಯಕ್ತಪಡಿಸಿದ ಉಪ ಪ್ರಧಾನಿ ಡೆಮೆಕ್‌ ಮೆಕನ್ನೊನ್‌, ಈ ಉಡಾವಣೆ ದೇಶದ ಬಾಹ್ಯಾಕಾಶ ಕ್ಷೇತ್ರದ ಸಾಧನೆಯ ಇತಿಹಾಸದ ಪ್ರಮುಖ ದಾಖಲೆಯಾಗಿದೆ. ತಾಂತ್ರಿಕವಾಗಿ ಹೊಂದಬೇಕಾಗಿರುವ ಮೂಲ ಸೌಕರ್ಯ ಪಡೆದುಕೊಳ್ಳುವಲ್ಲಿ ಈ ಸಾಧನೆ ತಲುಪಲು ವಿಳಂಬವಾಗಿದೆ ಎಂದರು. ಪ್ರಸಕ್ತ ವರ್ಷ ನಭಕ್ಕೆ ಸೇರಿದ ಆಫ್ರಿಕಾ ಖಂಡದ 8ನೇ ಉಪಗ್ರಹ ಇದಾಗಿದೆ.