ಮಿತ್ತಲ್‌ಗೆ ಎಸ್ಸಾರ್‌ ಸ್ಟೀಲ್‌

ಅಹಮದಾಬಾದ್‌: ನಷ್ಟದಲ್ಲಿರುವ ಎಸ್ಸಾರ್‌ ಸ್ಟೀಲ್‌ ಖರೀದಿಸಲು ಆರ್ಸೆಲಾರ್‌ ಮಿತ್ತಲ್‌ ಪ್ರಸ್ತಾವಕ್ಕೆ ರಾಷ್ಟ್ರೀಯ ಕಂಪೆನಿ ಕಾನೂನು ನ್ಯಾಯಮಂಡಳಿ ಅನುಮೋದನೆ ನೀಡಿದೆ. 42 ಸಾವಿರ ಕೋಟಿ ರೂ. ಮೌಲ್ಯದ ಒಪ್ಪಂದಕ್ಕೆ ಅನುಮೋದನೆ ಲಭ್ಯವಾಗಿದೆ. ಈಗಾಗಲೇ ಈ ಸಂಬಂಧ ಎಸ್ಸಾರ್‌ ಸ್ಟೀಲ್‌ ಆಡಳಿತ ಮಂಡಳಿ ಅನುಮೋದನೆ ನೀಡಿತ್ತಾದರೂ, ಎನ್‌ಸಿಎಲ್‌ಟಿ ಅನುಮೋದನೆ ಬಾಕಿ ಇತ್ತು. ಈ ಹಿಂದೆ ಅಹಮ ದಾಬಾದ್‌ ಎನ್‌ಸಿಎಲ್‌ಟಿ ಈ ಒಪ್ಪಂದಕ್ಕೆ ನಿರಾಕರಿಸಿತ್ತು. ಎಸ್ಸಾರ್‌ಗೆ ನೀಡಿದ ಬ್ಯಾಂಕ್‌ಗಳು ಮಿತ್ತಲ್‌ ಹಾಗೂ ನಿಪ್ಪಾನ್‌ ಸ್ಟೀಲ್‌ ಜಂಟಿ ಸಂಸ್ಥೆಗೆ ಮಾರಾಟ ಮಾಡಲು ನಿರ್ಧರಿಸಿದಾಗ, ಎಸ್ಸಾರ್‌ ಸ್ಟೀಲ್‌ನ ಮಾಲೀಕ ರೂಯಿಯಾ ಸೋದರರು ಹೆಚ್ಚು ಮೊತ್ತದ ಬಿಡ್‌ ಮಾಡಿದ್ದರು.