ಮಾನಸ ದೇವಿ ದೇಗುಲ ಅತಿಕ್ರಮಣ ತೆರವಿಗೆ ರಾಷ್ಟ್ರೀಯ ಹಸಿರು ನ್ಯಾಯಾಧೀಕರಣ ಆದೇಶ

ನವದೆಹಲಿ: ಉತ್ತರಾಖಂಡದ ಹರಿದ್ವಾರದಲ್ಲಿರುವ ಮಾನಸ ದೇವಿ ದೇಗುಲದ ಸಂಕೀರ್ಣದ ಸುತ್ತಲಿನ ಪ್ರದೇಶಗಳಲ್ಲಿ ಅತಿಕ್ರಮಣ ಮಾಡಿಕೊಳ್ಳಲಾಗಿರುವ ಕಟ್ಟಡಗಳನ್ನು ತೆರವುಗೊಳಿಸಲು ರಾಷ್ಟ್ರೀಯ ಹಸಿರು ನ್ಯಾಯಾಧೀಕರಣ ಹರಿದ್ವಾರದ ಆಡಳಿತಕ್ಕೆ ಸೂಚಿಸಿದ್ದಾರೆ.

ಈ ಪ್ರದೇಶದಲ್ಲಿನ ಅತಿಕ್ರಮಣದಿಂದಾಗಿ ದೇಗುಲದ ಬಳಿ ತ್ಯಾಜ್ಯ ವಿಲೇವಾರಿ ಇಲ್ಲವಾಗಿದೆ. ಸ್ವತ್ಛತೆಯ ದೃಷ್ಟಿಯಿಂದ ಅತಿಕ್ರಮಣ ತಡೆ ಅವಶ್ಯವೆಂದು ಮಂಡಳಿ ತಯಾರಿಸಿರುವ ಸಮಿತಿಯು ವರದಿ ಕೊಟ್ಟಿದೆ. ಅದೇ ಹಿನ್ನೆಲೆ ಇಂತಹ ಸೂಚನೆ ನೀಡಲಾಗಿದೆ.

ಸ್ಥಳದಲ್ಲಿರುವ ನೈಸರ್ಗಿಕ ಜಲ ಮೂಲಗಳನ್ನು ಅತಿಕ್ರಮಗಳಿಂದ ಕಾಪಾಡಿಕೊಳ್ಳಬೇಕೆಂದು ಸೂಚನೆಯಲ್ಲಿ ತಿಳಿಸಲಾಗಿದೆ.