ಮೂರು ಟೆಸ್ಟ್‌ ಪಂದ್ಯ: ಪಾಕಿಸ್ಥಾನ-ಇಂಗ್ಲೆಂಡ್‌ ಟೆಸ್ಟ್‌ ತಾಣ ಪ್ರಕಟ

ಕರಾಚಿ: ವರ್ಷಾಂತ್ಯ ಇಂಗ್ಲೆಂಡ್‌ ಕ್ರಿಕೆಟ್‌ ತಂಡ ಪಾಕಿಸ್ಥಾನದಲ್ಲಿ ಮೂರು ಟೆಸ್ಟ್‌ ಪಂದ್ಯಗಳನ್ನಾಡಲಿದ್ದು, ಇವುಗಳ ತಾಣವನ್ನು ಪಿಸಿಬಿ ಸೋಮವಾರ ಪ್ರಕಟಿಸಿದೆ.

ಟಿ20 ವಿಶ್ವಕಪ್‌ ಬಳಿಕ ಟೆಸ್ಟ್‌ ಸರಣಿ ನಡೆಯಲಿದೆ. ಮೊದಲ ಟೆಸ್ಟ್‌ ತಾಣ ರಾವಲ್ಪಿಂಡಿ (ಡಿ. 1-5). ದ್ವಿತೀಯ ಟೆಸ್ಟ್‌ ಮುಲ್ತಾನ್‌ನಲ್ಲಿ (ಡಿ. 9-13) ಮತ್ತು ಅಂತಿಮ ಟೆಸ್ಟ್‌ ಕರಾಚಿಯಲ್ಲಿ (ಡಿ. 17-21) ನಡೆಯಲಿದೆ.

ಮೂಲ ವೇಳಾಪಟ್ಟಿಯಂತೆ ಈ ಸರಣಿ ಕಳೆದ ವರ್ಷ ನಡೆಯಬೇಕಿತ್ತು. ಆದರೆ ಇಂಗ್ಲೆಂಡ್‌ ತಂಡ ಪಾಕಿಸ್ಥಾನಕ್ಕೆ ತೆರಳಲು ಹಿಂದೇಟು ಹಾಕಿತ್ತು. ಈ ವರ್ಷ ಆಸ್ಟ್ರೇಲಿಯ ತಂಡ ಪಾಕಿಸ್ಥಾನಕ್ಕೆ ಬಂದು ಸರಣಿ ಆಡಿದ ಬಳಿಕ ಇಂಗ್ಲೆಂಡ್‌ ಕೂಡ ಇಲ್ಲಿಗೆ ಬರಲು ಮುಂದಾಯಿತು.