ಎನ್‌ಕೌಂಟರ್‌ ದಯಾ ನಾಯಕ್‌ಗೆ ಭಡ್ತಿ

ಮುಂಬಯಿ: ಎನ್‌ಕೌಂಟರ್‌ ಸ್ಪೆಷಲಿಸ್ಟ್‌,  ತುಳು-ಕನ್ನಡಿಗ ದಯಾ ನಾಯಕ್‌ ಅವರಿಗೆ ಭಡ್ತಿ ನೀಡಲಾಗಿದೆ. ಅಂಬೋಲಿ  ಪೊಲೀಸ್‌  ಠಾಣೆಯಲ್ಲಿ  ಅಸಿಸ್ಟೆಂಟ್‌ ಪೊಲೀಸ್‌ ಇನ್ಸ್‌ಪೆಕ್ಟರ್‌ ಆಗಿ ಕಾರ್ಯನಿರ್ವಹಿಸುತ್ತಿದ್ದ ದಯಾ ನಾಯಕ್‌ ಅವರನ್ನು ಮುಂಬಯಿ ಸಿಟಿ ವಲಯಕ್ಕೆ  ಪೊಲೀಸ್‌ ಇನ್ಸ್‌ಪೆಕ್ಟರ್‌ ಆಗಿ ನಿಯುಕ್ತಿಗೊಳಿಸಲಾಗಿದೆ.

ಕಳೆದ ಹಲವು ವರ್ಷಗಳಿಂದ ಡ್ರಗ್ಸ್‌ ಮಾಫಿಯಾ, ಅಪಹರಣ, ಕೊಲೆ, ಕಳ್ಳತನ ಇನ್ನಿತರ ಪ್ರಕರಣಗಳನ್ನು ಭೇದಿಸುವಲ್ಲಿ ಯಶಸ್ವಿಯಾಗಿರುವ ದಯಾ ನಾಯಕ್‌ ಅವರನ್ನು  ಮುಂಬಯಿ ಸಿಟಿ ವಲಯಕ್ಕೆ ಅವರನ್ನು ಪದೋನ್ನತಿ ನೀಡಿ ವರ್ಗಾಯಿಸಲಾಗಿದೆ ಎಂದು ಮುಂಬಯಿ ವಿಶೇಷ ಪೊಲೀಸ್‌ ಮಹಾನಿರೀಕ್ಷಕ ರಾಜ್‌ಕುಮಾರ್‌ ವ್ಯಾಡ್ಕರ್‌ ತಿಳಿಸಿದ್ದಾರೆ.