ಮಕ್ಕಳ ಮಾಹಿತಿ ಮುಚ್ಚಿಟ್ಟಿದ್ದೇಕೆ ಮಸ್ಕ್?

ವಾಷಿಂಗ್ಟನ್‌: ಟೆಸ್ಲಾ ಕಂಪನಿಯ ಮಾಲೀಕ ಎಲಾನ್‌ ಮಸ್ಕ್ ಲಿವಿಂಗ್‌ ಟುಗೆದರ್‌(ಸಹ ಜೀವನ) ಮಾದರಿಯ ಸಂಬಂಧದಲ್ಲಿರುವ ಶಿವೊನ್‌ ಝಿಲ್ಲಿಸ್‌ ಅವರಿಂದ ಅವಳಿ ಮಕ್ಕಳನ್ನು ಕಳೆದ ವರ್ಷವೇ ಪಡೆದಿರುವ ವಿಚಾರ ತಡವಾಗಿ ಬಹಿರಂಗಗೊಂಡಿದೆ.

ಕಳೆದ ವರ್ಷ, ಇವರಿಬ್ಬರು ತಮ್ಮ ಮಕ್ಕಳ ಹೆಸರುಗಳನ್ನು ಬದಲಾಯಿಸುವಂತೆ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದಾರೆ. ಮಸ್ಕ್ ಹೆಸರು ಮಕ್ಕಳ ಹೆಸರಿನ ಬಳಿಕ ಬರಬೇಕು, ತಾಯಿಯ ಹೆಸರು ಮಕ್ಕಳ ಹೆಸರಿನ ಮುಂದೆ ಆದರೆ, ತಂದೆಯ ಹೆಸರಿಗೂ ಮೊದಲು (ಮಿಡಲ್‌ ನೇಮ್‌) ಬರುವಂತೆ ಬದಲಾಯಿಸಿಕೊಳ್ಳಲು ಅನುಮತಿ ನೀಡಬೇಕೆಂದು ಕೋರಲಾಗಿದೆ. ಈ ಅರ್ಜಿಯ ವಿಚಾರಣೆಯನ್ನು ನ್ಯಾಯಾಲಯ ಕೈಗೊತ್ತಿಕೊಂಡಿರುವುದರಿಂದ ಮಸ್ಕ್-ಝಿಲ್ಲಿಸ್‌ ದಂಪತಿಗೆ ಈಗಾಗಲೇ ಮಕ್ಕಳಾಗಿವೆ ಎಂಬುದು ಜಗಜ್ಜಾಹೀರಾಗಿದೆ.

ಇದುವರೆಗೆ ಮಸ್ಕ್ರವರು ತಮ್ಮ ವಿಚ್ಛೇದಿತ ಪತ್ನಿಯರಾದ ಜಸ್ಟಿನ್‌ ವಿಲ್ಸನ್‌, ಪತ್ನಿ ಗ್ರಿಮ್ಸ್‌ ಅವರಿಂದ ಏಳು ಮಕ್ಕಳನ್ನು ಪಡೆದಿದ್ದಾರೆಂದಷ್ಟೇ ಗೊತ್ತಿತ್ತು.