Mudbidri ಅರಮನೆ ಆನೆಬಾಗಿಲಿಗೆ ಟ್ರಕ್‌ ಡಿಕ್ಕಿ ಹೊಡೆದು ಹಾನಿ

ಮೂಡುಬಿದಿರೆ: ಇಲ್ಲಿನ ಚೌಟರ ಅರಮನೆಗೆ ಸಂಬಂಧಿಸಿದ ಪುರಾತನ ಆನೆಬಾಗಿಲಿಗೆ ಪಕ್ಕದ ರಸ್ತೆಯಲ್ಲಿ ಬಂದ ತಮಿಳುನಾಡಿನ ಟ್ರಕ್‌ ಢಿಕ್ಕಿ ಹೊಡೆದು ಆನೆಬಾಗಿಲಿನ ಒಂದು ಪಾರ್ಶ್ವ ಹಾನಿಗೀಡಾದ ಘಟನೆ ಮಂಗಳವಾರ ಸಂಭವಿಸಿದೆ.

ಚಾಲಕನ ಅಜಾಗರೂಕತೆಯಿಂದಾಗಿ ಈ ಘಟನೆ ನಡೆದಿದೆ.

ಇದನ್ನು ಈ ಮೊದಲು ಹೇಗಿತ್ತೋ ಹಾಗೆಯೇ ಇರುವಂತೆ, ಪಾರಂಪರಿಕ ಚೆಲುವು, ಮಹತ್ವಕ್ಕೆ ಧಕ್ಕೆ ಬಾರದಂತೆ ದುರಸ್ತಿ ಮಾಡಿಕೊಡುವುದಾಗಿ ಸಂಬಂಧಪಟ್ಟವರು ಒಪ್ಪಿರುವುದಾಗಿ ಅರಮನೆ ಮೂಲಗಳು ತಿಳಿಸಿವೆ. ಹತ್ತು ವರ್ಷಗಳ ಹಿಂದೆ ಚಾರಿತ್ರಿಕ ಮಹತ್ವದ ಈ ಆನೆಬಾಗಿಲಿಗೆ ಸಾಂಪ್ರದಾಯಿಕವಾಗಿ ಸಾರಣೆ ನಡೆಸಿ ಅಂದಗೊಳಿಸಲಾಗಿತ್ತು.