ಫೆ. 20ರಿಂದ ಪ್ರಶಾಂತ್‌ರ ‘ಬಾತ್‌ ಬಿಹಾರ್‌ ಕಿ’ಆಂದೋಲನ

ಪಾಟ್ನಾ: ಜೆಡಿಯುನ ಉಚ್ಛಾಟಿತ ನಾಯಕ ಪ್ರಶಾಂತ್‌ ಕಿಶೋರ್‌ ಫೆ. 20ರಿಂದ ‘ಬಾತ್‌ ಬಿಹಾರ್‌ ಕಿ’ ಎಂಬ ಹೊಸ ಆಂದೋಲನ ಶುರು ಮಾಡಲಿದ್ದಾರೆ. ಮುಂದಿನ 100 ದಿನಗಳಲ್ಲಿ 1 ಕೋಟಿ ಯುವಕರನ್ನು ಒಟ್ಟುಗೂಡಿಸುವ ಮಹಾತ್ವಾಕಾಂಕ್ಷೆಯನ್ನು ಅವರು ಹೊಂದಿದ್ದಾರೆ.

ಮಂಗಳವಾರ ಅವರು ಈ ಘೋಷಣೆ ಮಾಡಿದ್ದಾರೆ. ಅದರ ಮೂಲಕ ರಾಜ್ಯಕ್ಕೆ ಹೊಸ ದೃಷ್ಟಿಕೋನ ಹೊಂದಿರುವ ನಾಯತ್ವದ ಅಗತ್ಯ ಇದೆ ಎಂದು ಭಾವಿಸಿರುವ ಜನರನ್ನು ತಲುಪುವ ಗುರಿ ಹಾಕಿಕೊಂಡಿದ್ದಾರೆ.

ಬಿಹಾರ ಸಿಎಂ ನಿತೀಶ್‌ ಕುಮಾರ್‌ರ ಅಭಿವೃದ್ಧಿ ದೃಷ್ಟಿಕೋನ ಪ್ರಶ್ನೆ ಮಾಡಿದ ಅವರು “ನೀವು ಗೋಡ್ಸೆ ಪರವಾಗಿದ್ದೀರೋ ಅಥವಾ ಗಾಂಧಿ ಪರವಾಗಿದ್ದೀರೋ’ ಎಂದು ಪ್ರಶ್ನೆ ಮಾಡಿದ್ದಾರೆ. ಮೊದ ಮೊದಲು ನಿತೀಶ್‌ರನ್ನು ತಂದೆಯ ಸಮಾನರಂತೆ ಪರಿಗಣಿಸಿದ್ದೆ ಎಂದರು. 15 ವರ್ಷಗಳ ಅವಧಿಯಲ್ಲಿ ಬಿಹಾರದ ಸಾಧನೆ ಸಾಲದೆಂದರು.