ಮತದಾರರ ಪಟ್ಟಿ ಅದಲು ಬದಲು: ದಾವಣಗೆರೆಯ ಎರಡು ವಾರ್ಡ್ ಗಳ ಮತದಾನ ಮುಂದೂಡಿಕೆ

ದಾವಣಗೆರೆ: ಮತದಾರರ ಪಟ್ಟಿ ಅದಲು ಬದಲಾಗಿ ಗೊಂದಲ ಉಂಟಾದ ಕಾರಣ ದಾವಣಗೆರೆಯಲ್ಲಿ ಎರಡು ವಾರ್ಡ್ ಗಳ ಮತದಾನ ಮುಂದೂಡಿಕೆ ಮಾಡಲಾಗಿದೆ.

ದಾವಣಗೆರೆ ತಾಲೂಕಿನ ಹೆಬ್ಬಾಳು ಗ್ರಾಮದ ಹೆಬ್ಬಾಳು 1 ಮತ್ತು ಹೆಬ್ಬಾಳು 2 ಎರಡು ಕ್ಷೇತ್ರಗಳ ಮತದಾನ ಮುಂದೂಡಿ ಜಿಲ್ಲಾಧಿಕಾರಿ ಜಿಲ್ಲಾಧಿಕಾರಿ ಮಹಾಂತೇಶ ಬೀಳಗಿ ಆದೇಶಿಸಿದರು.

ಹೆಬ್ಬಾಳು-1 ಮತ್ತು 2 ವಾರ್ಡ್‌ಗಳ ಆರು ಕ್ಷೇತ್ರಗಳಿಗೆ ಹನ್ನರೆಡು ಮಂದಿ ಸ್ಪರ್ಧಿಸಿದ್ದರು. ಹೆಬ್ಬಾಳು ವಾರ್ಡ್ 1ರಲ್ಲಿ (ಮತಗಟ್ಟೆ 108) 807 ಮತದಾರರಿದ್ದಾರೆ. ವಾರ್ಡ್ 2ರಲ್ಲಿ (ಮತಗಟ್ಟೆ 109) 917 ಮತದಾರರಿದ್ದಾರೆ.

ಇದನ್ನೂ ಓದಿ:ಮತಗಟ್ಟೆ ಆವರಣದಲ್ಲಿ ಬಿಸಿಲಿಗೆ ಕುಳಿತು ಚಳಿ ಕಾಯಿಸಿದ ಮತದಾರರು!

ಜಿಲ್ಲೆಯಲ್ಲಿ 88 ಗ್ರಾಪಂಗಳಿಗೆ ನಡೆದ ಮೊದಲ ಹಂತದ ಚುನಾವಣೆಯಲ್ಲಿ ಇಂದು ಬೆಳಗ್ಗೆ 9 ಗಂಟೆ ವೇಳೆ ಶೇ.5.85ರಷ್ಟು ಮತದಾನ ನಡೆದಿತ್ತು.‌ 11 ಗಂಟೆಗೆ ಶೇ.18.38 ಮತದಾನವಾಗಿತ್ತು. ಮಧ್ಯಾಹ್ನ 1ಗಂಟೆಗೆ  ಶೇ. 41.47 ಮತದಾನವಾಗಿದೆ.