ಕಂಪ್ಯೂಟರ್‌ ಆಪ್ಟಿಟ್ಯೂಡ್‌ ಟೆಸ್ಟ್‌ನಲ್ಲಿ ಊಹೆಗೂ ಮೀರಿ ಅಂಕ ಪಡೆದಿದ್ದ ಮಸ್ಕ್

ಕ್ಯಾಲಿಫೋರ್ನಿಯಾ: ಜಗತ್ತು ಚಾಪೆ ಕೆಳಗೆ ನುಸುಳಿದರೆ ಎಲಾನ್‌ ಮಸ್ಕ್ ರಂಗೋಲಿ ಕೆಳಗೆ ನುಸುಳುವಷ್ಟು ಚಾಣಾಕ್ಷ ಅನ್ನೋದು ಜಗಜ್ಜಾಹೀರು.

ಟೆಸ್ಲಾ ಮತ್ತು ಸ್ಪೇಸ್‌ ಎಕ್ಸ್‌ ದಿಗ್ಗಜ, ವಿಶ್ವದ ಕುಬೇರ ಎಲಾನ್‌ ಮಸ್ಕ್ ಶಾಲಾ ದಿನಗಳಲ್ಲೇ ಮಹಾನ್‌ ಬುದ್ಧಿವಂತನಾಗಿದ್ದ ಎಂಬ ಸಂಗತಿಗೆ ಪೂರಕವಾಗಿ ಅವರ ತಾಯಿ ಮಾಡಿರುವ ಟ್ವೀಟೊಂದು ಭಾರೀ ಸುದ್ದಿಯಲ್ಲಿದೆ.

ದಕ್ಷಿಣ ಆಫ್ರಿಕಾದ ಪ್ರಿಟೋರಿಯಾ ವಿವಿಯಲ್ಲಿ ಮಸ್ಕ್ ತನ್ನ 17ನೇ ವಯಸ್ಸಿನಲ್ಲಿ ಕಂಪ್ಯೂಟರ್‌ ಆಪ್ಟಿಟ್ಯೂಡ್‌ ಟೆಸ್ಟ್‌ ಅನ್ನು ಪರೀಕ್ಷಕರ ಊಹೆಗೂ ನಿಲುಕದಂತೆ ಪಾಸ್‌ ಮಾಡಿದ್ದರು!

ಆಪರೇಟಿಂಗ್‌ ಮತ್ತು ಪ್ರೋಗ್ರಾಮಿಂಗ್‌- ಎರಡರಲ್ಲೂ “ಎ ಪ್ಲಸ್‌’ ಗ್ರೇಡ್‌ ಪಡೆದಿದ್ದರು. ಇಷ್ಟೊಂದು ಅಂಕ ಪಡೆದಿದ್ದನ್ನು ನಂಬಲು ಸಾಧ್ಯವಾಗದೆ ಕೊನೆಗೆ ವಿವಿ ಆಡಳಿತ ಮಂಡಳಿ, ಮಸ್ಕ್ ಗೆ ಮರುಪರೀಕ್ಷೆ ನಡೆಸಲು ಪತ್ರ ಕೂಡ ಬರೆದಿತ್ತು. ಮರುಪರೀಕ್ಷೆಯಲ್ಲೂ ಅದಕ್ಕಿಂತ ಹೆಚ್ಚೇ ಅಂಕ ಸಂಪಾದಿಸಿದ್ದರು, ಮಸ್ಕ್! 1989ರ ಈ ಪತ್ರದ ನೆನಪನ್ನು ಮಾಯೆ ಮಸ್ಕ್ ಟ್ವಿಟರಿನಲ್ಲಿ ಹಂಚಿಕೊಂಡಿದ್ದಾರೆ.