Education: ಒಂದೇ ಹುದ್ದೆಗೆ ಇಬ್ಬರು ಅಧಿಕಾರಿಗಳು!

ಬಸವಕಲ್ಯಾಣ: ಶಿಕ್ಷಣ ಇಲಾಖೆ ಒಂದೇ ಹುದ್ದೆಗೆ ಇಬ್ಬರು ಅ ಧಿಕಾರಿಗಳನ್ನು ನೇಮಕ ಮಾಡಿದೆ!

ಇಲ್ಲಿಯ ಕ್ಷೇತ್ರ ಶಿಕ್ಷಣಾ ಧಿಕಾರಿ(ಬಿಇಒ)ಆಗಿದ್ದ ಸಿ.ಜಿ. ಹಳ್ಳದ ಅವರು ವರ್ಗಾವಣೆಗೊಂಡ ಬಳಿಕ ಖಾಲಿಯಾಗಿದ್ದ ಹುದ್ದೆಗೆ ದೇಶ್‌ಮುಖ್‌ ಶಂಕ್ರೆಪ್ಪ ಹಾಗೂ ಚಂದ್ರಶೇಖರ್‌ ಗೌಡ ಅವರನ್ನು ನೇಮಿಸಲಾಗಿದೆ. ಇಬ್ಬರೂ ಬುಧವಾರ ಹುದ್ದೆ ಅಲಂಕರಿಸಿ ಕಾರ್ಯಭಾರ ಮುಂದುವರಿಸಿದ್ದಾರೆ.

ಶಂಕ್ರೆಪ್ಪ ಅವರಿಗೆ ಜಿಪಂ ಸಿಇಒ ಹಾಗೂ ಚಂದ್ರಶೇಖರ್‌ ಗೌಡ ಅವರಿಗೆ ಸಾರ್ವಜನಿಕ ಶಿಕ್ಷಣ ಇಲಾಖೆ ಕಲಬುರಗಿಯ ಆಯುಕ್ತರು ನೇಮಕ ಆದೇಶ ನೀಡಿದ್ದಾರೆ.

ಒಬ್ಬರು ಕಚೇರಿಯಲ್ಲಿ ಕುಳಿತು ಕಡತಗಳನ್ನು ಪರಿಶೀಲಿಸಿದ್ದು, ಮತ್ತೂಬ್ಬರು ತಾಲೂಕಿನ ವಿವಿಧ ಶಾಲೆಗಳಿಗೆ ಭೇಟಿ ನೀಡಿದ್ದಾರೆ. ಇಬ್ಬರು ಬಿಇಒಗಳನ್ನು ಕಂಡು ಶಿಕ್ಷಕರು ಗೊಂದಲಕ್ಕೆ ಒಳಗಾಗಿದ್ದಾರೆ.