ರೋಸ್ ವ್ಯಾಲಿ ಹಗರಣ ಕೇಸ್; ಇ.ಡಿಯಿಂದ ಖಾನ್ ಒಡೆತನದ ಕೆಕೆಆರ್ ಸಿಇಒ ವೆಂಕಿ ಮೈಸೂರು ವಿಚಾರಣೆ

ನವದೆಹಲಿ: ರೋಸ್ ವ್ಯಾಲಿ ಹಗರಣ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೋಲ್ಕತಾ ನೈಟ್ ರೈಡರ್ಸ್ (ಕೆಕೆಆರ್) ಸಿಇಒ ವೆಂಕಿ ಮೈಸೂರು ಅವರನ್ನು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಶುಕ್ರವಾರ ವಿಚಾರಣೆ ನಡೆಸಿರುವುದಾಗಿ ವರದಿ ತಿಳಿಸಿದೆ.

ವೆಂಕಿ ಮೈಸೂರು ಅವರ ಹೇಳಿಕೆಯನ್ನು ಪಿಎಂಎಲ್ ಎ (ಆರ್ಥಿಕ ಅವ್ಯವಹಾರ ನಿಯಂತ್ರಣ ಕಾಯ್ದೆ) ಅಡಿ ದಾಖಲಿಸಿಕೊಂಡಿರುವುದಾಗಿ ಇ.ಡಿ ವಿವರಿಸಿದೆ. ಕೆಕೆಆರ್ ಬಾಲಿವುಡ್ ನಟ ಶಾರುಖ್ ಖಾನ್ ಒಡೆತನದ ಐಪಿಎಲ್ ತಂಡವಾಗಿದೆ.

ಯಾರು ವೆಂಕಿ ಮೈಸೂರು?

ವೆಂಕಿ ಮೈಸೂರು ಮೂಲತಃ ಕರ್ನಾಟಕದವರು. ರೆಡ್ ಚಿಲ್ಲೀಸ್ ಎಂಟರ್ ಟೈನ್ ಮೆಂಟ್ ನ ಸಿಇಒ ಮತ್ತು ಐಪಿಎಲ್ ತಂಡವಾಗಿರುವ ಕೆಕೆಆರ್ ನ ಸಿಇಒ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. 2002-03ರವರೆಗೆ ವೆಂಕಿ ಮೈಸೂರು ಅಮೆರಿಕನ್ ಚೇಂಬರ್ ಆಫ್ ಕಾಮರ್ಸ್  ಆಫ್ ಬೆಂಗಳೂರು ಚಾಪ್ಟರ್ ನ ಅಧ್ಯಕ್ಷರಾಗಿ ಕೆಲಸ ಮಾಡಿದ್ದರು. ಇನ್ಸೂರೆನ್ಸ್ ಇಂಡಸ್ಟ್ರೀಯಲ್ಲಿ 25 ವರ್ಷಗಳ ಕಾಲ ದುಡಿದ ಅನುಭವ ಇವರದ್ದಾಗಿದೆ.