ಅರ್ಥ ವ್ಯವಸ್ಥೆ ಯಥಾಸ್ಥಿತಿ: ವಿಶ್ವಬ್ಯಾಂಕ್‌

ವಾಷಿಂಗ್ಟನ್‌: ಭಾರತ ಅತ್ಯಂತ ವೇಗವಾಗಿ ಅಭಿವೃದ್ಧಿ ಹೊಂದುತ್ತಿರುವ ಅರ್ಥ ವ್ಯವಸ್ಥೆ ಎನ್ನುವುದನ್ನು ವಿಶ್ವ ಬ್ಯಾಂಕ್‌ ತನ್ನ ವರದಿಯಲ್ಲಿ ಮತ್ತೂಮ್ಮೆ ಉಲ್ಲೇಖೀಸಿದೆ. ಮುಂದಿನ ಮೂರು ವರ್ಷಗಳ ಅವಧಿಯಲ್ಲಿ ಭಾರತದ ಅರ್ಥ ವ್ಯವಸ್ಥೆ ಶೇ.7.5ರ ದರದಲ್ಲಿ ಅಭಿವೃದ್ಧಿ ಸಾಧಿಸಲಿದೆ ಎಂದು ವಿಶ್ವಬ್ಯಾಂಕ್‌ ತನ್ನ ಮುನ್ಸೂ ಚನಾ ವರದಿಯಲ್ಲಿ ಪ್ರಸ್ತಾಪ ಮಾಡಿದೆ.

ಮಾ.31ಕ್ಕೆ ಮುಕ್ತಾಯವಾಗಿರುವ 2018-19ನೇ ಸಾಲಿನ ವಿತ್ತೀಯ ವರ್ಷದಲ್ಲಿ ಶೇ. 7.2ರಷ್ಟು ಅಭಿವೃದ್ಧಿ ಸಾಧಿಸಬಹುದಿತ್ತು. ಭಾರತ 2018ರಲ್ಲಿ ಶೇ.6.6ರಷ್ಟು ಬೆಳವಣಿಗೆ ಸಾಧಿಸಿದೆ. ಚೀನ 2019ರಲ್ಲಿ ಚೀನದ ಆರ್ಥಿಕ ಅಭಿವೃದ್ಧಿ ಶೇ.6.2ಕ್ಕೆ ಇಳಿಕೆಯಾಗಲಿದೆ. 2020ರಲ್ಲಿ ಅದು ಶೇ.6.1, 2021ರಲ್ಲಿ ಅದು ಶೇ.6ಕ್ಕೆ ಇಳಿಕೆಯಾಗಲಿದೆ ಎಂದು ವರದಿಯಲ್ಲಿ ಉಲ್ಲೇಖೀಸಲಾಗಿದೆ. ಕೇಂದ್ರ ಸರಕಾರ ಬಿಡುಗಡೆ ಮಾಡಿದ ವರದಿಯಲ್ಲಿ ಐದು ವರ್ಷಗಳಿಗೆ ಹೋಲಿಕೆ ಮಾಡಿದರೆ ಅರ್ಥ ವ್ಯವಸ್ಥೆ ಶೇ. 5.8ರಷ್ಟು ಬೆಳವಣಿಗೆ ಸಾಧಿಸಿದೆ ಎಂದು ಹೇಳಿದ ಬೆನ್ನಲ್ಲೇ ವಿಶ್ವ ಬ್ಯಾಂಕ್‌ನ ವರದಿ ಪ್ರಕಟವಾಗಿದೆ.