ಮಲ್ಲಿಕಾರ್ಜುನ ದೇಗುಲದ ಬಂಡೆ ಮೇಲೆ ಗ್ರಹಣ ಗೋಚರ

ಮಸ್ಕಿ: ಇಲ್ಲಿನ ಆರಾಧ್ಯದೈವ, ಪಟ್ಟಣದ ತೇರ ಬಜಾರ ಹತ್ತಿರದ ಶ್ರೀ ಮಲ್ಲಿಕಾರ್ಜುನ ದೇವಸ್ಥಾನ ಆವರಣದ ಒಳಗಿನ ಬಂಡೆ ಮೇಲೆ ರವಿವಾರ ಸೂರ್ಯಗ್ರಹಣ ಗೋಚರವಾಗಿದೆ.

ದೇವಸ್ಥಾನ ಮೇಲಿರುವ ಕಿಟಕಿಯ ಮೂಲಕ ಗರ್ಭಗುಡಿಯ ಮುಂದೆ ಒಳಗಿನ ಬಂಡೆಯ ಮೇಲೆ ಗ್ರಹಣದ ನೆರಳು ಗೋಚರವಾಗಿದ್ದು ಅಚ್ಚರಿ ಮೂಡಿಸಿದೆ. ಯಾವುದೇ ತಾಂತ್ರಿಕ ಸಲಕರಣೆಗಳನ್ನು ಬಳಸದಿದ್ದರೂ ಗ್ರಹಣ ಗೋಚರವಾಗಿದ್ದು ವಿಶೇಷವಾಗಿದೆ. ಈ ಹಿಂದೆ ಈ ರೀತಿ ಗೋಚರವಾಗಿರಲಿಲ್ಲ. ಈ ರೀತಿಯ ಸೂರ್ಯಗ್ರಹಣ ಬಂಡೆಯ ಮೇಲೆ ಗೊಚರವಾಗಿರುವುದು ಭಕ್ತರಲ್ಲಿ ಕೂತೂಹಲ ಮೂಡಿಸಿತು. ಬಂಡೆಯ ಮೇಲೆ ಗೋಚರವಾದ ಸೂರ್ಯಗ್ರಹಣವನ್ನು ಭಕ್ತರು ವೀಕ್ಷಿಸಿ ಆಶ್ಚರ್ಯ ವ್ಯಕ್ತಪಡಿಸಿದರು.