ತ್ರಿಪುರದ ಅಂಬಾಸಾದಲ್ಲಿ ಭೂಕಂಪ; ಗುವಾಹಟಿಯಲ್ಲೂ ಕಂಪನ

ಹೊಸದಿಲ್ಲಿ : ತ್ರಿಪುರದ ಅಂಬಾಸಾದಲ್ಲಿ  ಇಂದು ಮಂಗಳವಾರ ಮಧ್ಯಾಹ್ನ 2.39ರ ಹೊತ್ತಿಗೆ ಲಘು ಭೂಕಂಪ ಉಂಟಾಗಿದೆ. ರಿಕ್ಟರ್‌ ಮಾಪಕದಲ್ಲಿ ಇದರ ತೀವ್ರತೆ 5.5 ಅಂಕಗಳಲ್ಲಿ ದಾಖಲಾಗಿದೆ. 

ಅಸ್ಸಾಮಿನ ಗುವಾಹಟಿಯಲ್ಲಿ ಕೂಡ ಭೂಕಂಪನವು ಜನರ ಅನುಭವಕ್ಕೆ ಬಂದಿದೆ ಎಂದು ಎಎನ್‌ಐ ವರದಿ ಮಾಡಿದೆ. ಭೂಕಂಪದ ಕೇಂದ್ರ ಬಿಂದು ಎಲ್ಲಿದೆ ಎಂಬುದು ಈ ತನಕ ಗೊತ್ತಾಗಿಲ್ಲ. 

ರಾಷ್ಟ್ರೀಯ ಭೂಕಂಪ ಮಾಪನ ಕೇದ್ರದ ಪ್ರಕಾರ ಭೂಕಂಪದ ಕೇಂದ್ರ ಬಿಂದು ಧಲಾಯಿ ಜಿಲ್ಲೆಯಲ್ಲಿ ಇತ್ತು.  5.5 ಅಂಕಗಳ ತೀವ್ರತೆಯ ಈ ಭೂಕಂಪವು ಮಧ್ಯಾಹ್ನ 2.39ರ ಹೊತ್ತಿಗೆ ಸಂಭವಿಸಿದ್ದು ಅದರ ಕೇಂದ್ರ ಬಿಂದು ನೆಲದಿಂದ 28 ಕಿ.ಮೀ. ಆಳದಲ್ಲಿ ಇತ್ತೆಂದು ಕೇಂದ್ರವು ಹೇಳಿದೆ.