Cape Canaveral: ತಾತ್ಕಾಲಿಕ ಉಪಗ್ರಹವಾಗಿದ್ದ “ಮಿನಿ ಮೂನ್‌’ಗೆ ಗುಡ್‌ ಬೈ

ಕೇಪ್‌ ಕೆನವೆರಾಲ್‌: ಕಳೆದ 2 ತಿಂಗಳಿನಿಂದ ಭೂಮಿಯನ್ನು ಸುತ್ತುತ್ತಿದ್ದ ಕ್ಷುದ್ರಗ್ರಹವೊಂದು “ಮಿನಿ ಮೂನ್‌’ ಎಂದೇ ಹೆಸರುಗಳಿಸಿಕೊಂಡಿತ್ತು. ಇದೀಗ ಈ ಕ್ಷುದ್ರಗ್ರಹ ಭೂಮಿಯ ಗುರುತ್ವಾಕರ್ಷಣೆಯನ್ನು ಮೀರಿ ಸಾಗುತ್ತಿದೆ.

ಸೆಪ್ಟಂಂಬರ್‌ನಲ್ಲಿ ಈ ಕ್ಷುದ್ರಗ್ರಹ ಭೂಮಿ ಗುರುತ್ವಾಕರ್ಷಣೆಗೆ ಸಿಕ್ಕಿ ಭೂಮಿ ಸುತ್ತಲು ಆರಂಭಿಸಿತ್ತು. ಭೂಮಿಯ ಉಗಮದ ಸಮಯದಲ್ಲಿ ಇದು ಚಂದ್ರನಿಂದ ಬೇರ್ಪಟ್ಟಿತ್ತು ಎಂದು ವಿಜ್ಞಾನಿಗಳು ಅನುಮಾನ ವ್ಯಕ್ತಪಡಿಸಿದ್ದರು. ಇದೀಗ ಇದು ಭೂಮಿಯನ್ನು ತೊರೆದು ಸಾಗಿದ್ದು, 2055ರ ವೇಳೆಗೆಮತ್ತೊಮ್ಮೆ ಭೂಮಿಯ ಸಮೀಪಕ್ಕೆ ಬರಬಹುದು ಎಂದು ನಾಸಾ ಹೇಳಿದೆ.