Advertisement
ಸೆನ್ಸಾರ್‌ ಹಾಳಾಗಿದೆ2 ರೂಪಾಯಿ ಕಾಯಿನ್‌ ಹಾಕಿ ಉಪಯೋಗಿಸಬೇಕಾದ ಇ ಟಾಯ್ಲೆಟ್‌ಗಳಲ್ಲಿ ಲಾಲ್‌ಬಾಗ್‌ನಲ್ಲಿರುವ ಎರಡು ಶೌಚಾಲಯಗಳು ಬಾಗಿಲು ತೆರೆಯಲು ಸಾಧ್ಯವಾಗದ ಸ್ಥಿತಿಯಲ್ಲಿವೆ. ಮಹಿಳೆಯರು ಮತ್ತು ಪುರುಷರಿಗಾಗಿ ಪ್ರತ್ಯೇಕವಾಗಿರುವ ಇ ಟಾಯ್ಲೆಟ್‌ಗಳ ಸೆನ್ಸಾರ್‌ ಹಾಳಾಗಿದೆ. ಟಾಯ್ಲೆಟ್‌ ಒಳಗೆ ಜನ ಇದ್ದಾಗ ಬೆಳಗಬೇಕಾದ ಕೆಂಪು ದೀಪ, ಖಾಲಿಯಾಗಿದ್ದಾಗ ಹಸಿರು ದೀಪಗಳು ಉರಿಯುತ್ತಿಲ್ಲ. ಈ ಶೌಚಾಲಯಗಳು ಆರಂಭದಲ್ಲಿ ಕೆಲವು ಸಮಯ ಬಳಕೆಯಾಗಿದ್ದು, ಬಳಿಕ ಉಪಯೋಗಕ್ಕೆ ಸಾಧ್ಯವಿಲ್ಲದಂತಾಗಿವೆ.
ಎಕ್ಕೂರಿನಲ್ಲಿ (ಕಂಕನಾಡಿ) ಇರುವ ಎರಡು ಶೌಚಾಲಯಗಳು ಸಾರ್ವಜನಿಕರಿಂದ ಬಳಕೆಯಾಗಿದ್ದೇ ಇಲ್ಲ. ಎಕ್ಕೂರಿನ ಕರ್ನಾಟಕ ಗೃಹ ಮಂಡಳಿ (ಕೆಎಚ್‌ಬಿ ಕಾಲನಿ) ವಠಾರದೊಳಗಿನ ಇ ಟಾಯ್ಲೆಟ್‌ ಕಾಯಿನ್‌ ಹಾಕಿದರೂ ಬಾಗಿಲು ತೆರೆಯುವುದಿಲ್ಲ. ಉದ್ಘಾಟನೆಗೊಂಡ ಅನಂತರ ಕೆಲ ದಿನಗಳ ಬಳಿಕವೇ ಪಾಳು ಬಿದ್ದಿವೆ. ಇದು ಕೋಸ್ಟ್‌ಗಾರ್ಡ್‌ ವಸತಿ ನಿಲಯ ಹಾಗೂ ಮನೆಗಳಿರುವ ಪ್ರದೇಶವಾದ್ದರಿಂದ ಇಲ್ಲಿ ಇ- ಟಾಯ್ಲೆಟ್‌ನ ಅಗತ್ಯವೇ ಇಲ್ಲ. ಎಕ್ಕೂರಿನ ಕೆಎಚ್‌ಬಿ ಕಾಲನಿಯಿಂದ ಸುಮಾರು 300 ಮೀಟರ್‌ ವ್ಯಾಪ್ತಿಯಲ್ಲಿರುವ ಮಹಾನಗರ ಪಾಲಿಕೆಯ ಮೈದಾನದ ಮೇಲ್ಭಾಗದಲ್ಲಿ ರಸ್ತೆಗೆ ತಾಗಿ ಇರುವ ಇ- ಟಾಯ್ಲೆಟ್‌ ಕೂಡ ಬಳಕೆಯಾಗಿಲ್ಲ. ನಿರ್ವಹಣೆಯೂ ಇಲ್ಲದೆ ಪಾಳು ಬಿದ್ದಿದೆ.