ಬ್ರಾವೋ ಬರೆದಿದ್ದಾರೆ ಕೊಹ್ಲಿ, ಧೋನಿ ಕುರಿತು ಹಾಡು?

ರಾಜ್‌ಕೋಟ್‌: ಕಳೆದ ಆವೃತ್ತಿ ಐಪಿಎಲ್‌ ವೇಳೆ ಗುಜರಾತ್‌ ಲಯನ್ಸ್‌ ಆಟಗಾರ ಡ್ವೇನ್‌ ಬ್ರಾವೊ ಚಾಂಪಿಯನ್‌…ಚಾಂಪಿಯನ್‌ ಹಾಡು ರಚಿಸಿ, ಸ್ವತಃ ಹಾಡಿ ಭಾರೀ ಸುದ್ದಿಯಾಗಿದ್ದರು. ವಿಶ್ವದಾದ್ಯಂತ ಹಾಡು ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೀಕ್ಷಣೆಗೆ ಕಾರಣವಾಗಿತ್ತು. ಸದ್ಯ ಈ ಆವೃತ್ತಿಯಲ್ಲಿ ಡ್ವೇನ್‌ ಬ್ರಾವೋ ಗಾಯದ ಕಾರಣದಿಂದ ಗುಜರಾತ್‌ ಪರ ಯಾವುದೇ ಪಂದ್ಯ ಆಡಿಲ್ಲ. ಹಾಗಂತ ಕೆಲಸವಿಲ್ಲದೆ ಬ್ರಾವೊ ಖಾಲಿ ಕೈಯಲ್ಲಿ ಕುಳಿತಿಲ್ಲ. ತಂಡದ ಜತೆ ಇರುವ ಸಮಯದಲ್ಲಿ ಅವರು ಹಾಡು ಬರೆಯಲು ಮುಂದಾಗಿದ್ದಾರೆ. ಸ್ವತಃ ಇದನ್ನು ಗುಜರಾತ್‌ ಲಯನ್ಸ್‌ ಅಧಿಕೃತವಾಗಿ ವಿಡಿಯೊವೊಂದನ್ನು ಪ್ರಕಟಿಸಿ ತಿಳಿಸಿದೆ. 

ಡ್ವೇನ್‌ ಬ್ರಾವೊ ಮತ್ತೋರ್ವ ವಿಂಡೀಸ್‌ ಕ್ರಿಕೆಟಿಗ ಡ್ಯಾರನ್‌ ಬ್ರಾವೊಗೆ ತನ್ನ ಹಾಡಿನ ಸಾಲುಗಳನ್ನು ಪಂದ್ಯ ರೂಪದಲ್ಲಿ ಹೇಳುವ ವಿಡಿಯೋ ಇದೆ. ಹಾಡಿನ ಸಾಲುಗಳು ಹೀಗಿವೆ.. “ವಿ ಗೋ ಓವರ್‌ ಇಂಡಿಯಾ..ಇಂಡಿಯಾ..ಇಂಡಿಯಾ.. ಐ ಕಾಲ್‌ ಅಪ್‌ ಬುವೊಯ್‌ ಕೊಹ್ಲಿ..ಕೊಹ್ಲಿ..ಕೊಹ್ಲಿ. ವೀ ಟೆಲ್‌ ಹಿಮ್‌ ಟು ವಾಟ್ಸ್‌ಅಪ್‌ ಧೋನಿ…’ಎಂದು ಸಾಲುಗಳಿವೆ. ತಕ್ಷಣ ಇಬ್ಬರು ಜೋರಾಗಿ ನಗಾಡುತ್ತಾರೆ. ಈ ವಿಡಿಯೋ ಭಾರೀ ವೀಕ್ಷಣೆಗೆ ಕಾರಣವಾಗಿದೆ. ಇದನ್ನು ಗುಜರಾತ್‌ ತಂಡದ ಅಧಿಕೃತ ಮೂಲಗಳು ಪ್ರಕಟಿಸಿವೆ.