ವಿಶ್ವ ಇಲೆವೆನ್‌ಗೆ ಡು ಪ್ಲೆಸಿಸ್‌ ನಾಯಕ

ಜೊಹಾನ್ಸ್‌ಬರ್ಗ್‌: ಫಾ ಡು ಪ್ಲೆಸಿಸ್‌ ಅವರನ್ನು ಲಾಹೋರ್‌ನಲ್ಲಿ ಮುಂದಿನ ತಿಂಗಳು ನಡೆಯಲಿರುವ ಮೂರು ಪಂದ್ಯಗಳ ಟ್ವೆಂಟಿ20 ಸರಣಿಗೆ ವಿಶ್ವ ಇಲೆವೆನ್‌ ತಂಡದ ನಾಯಕರನ್ನಾಗಿ ಹೆಸರಿಸಲಾಗಿದೆ. 

ವಿಶ್ವ ಇಲೆವೆನ್‌ ತಂಡದಲ್ಲಿ ಏಳು ರಾಷ್ಟ್ರಗಳ ಪ್ರತಿನಿಧಿಗಳು ಇರಲಿದ್ದು ದಕ್ಷಿಣ ಆಫ್ರಿಕಾದಿಂದ ಐದು ಮಂದಿ ಆಟಗಾರರು ಆಯ್ಕೆಯಾಗಿದ್ದಾರೆ. ಈ ಸರಣಿಯಲ್ಲಿ ಆಡಲು ವಿವಿಧ ದೇಶಗಳ ಆಟಗಾರರು ಪಾಕಿಸ್ಥಾನಕ್ಕೆ ಪ್ರಯಾಣಿಸಲಿದ್ದಾರೆ.

ಹಾಶಿಮ್‌ ಆಮ್ಲ, ಮಾರ್ನೆ ಮಾರ್ಕೆಲ್‌, ಡೇವಿಡ್‌ ಮಿಲ್ಲರ್‌ ಮತ್ತು ಇಮ್ರಾನ್‌ ತಾಹಿರ್‌ ದಕ್ಷಿಣ ಆಫ್ರಿಕಾದ ಇತರ ಆಟಗಾರರಾಗಿದ್ದರೆ ಆಸ್ಟ್ರೇಲಿಯದ ಮೂವರು ಆಟಗಾರರು (ಜಾರ್ಜ್‌ ಬೈಲಿ, ಬೆನ್‌ ಕಟ್ಟಿಂಗ್‌, ಟಿಮ್‌ ಪೈನ್‌) ಮತ್ತು ವೆಸ್ಟ್‌ಇಂಡೀಸ್‌ನ ಇಬ್ಬರು ಆಟಗಾರರು (ಡ್ಯಾರನ್‌ ಸಮ್ಮಿ ಮತ್ತು ಸಾಮ್ಯುಯೆಲ್‌ ಬದ್ರಿ) ಮತ್ತು ಇಂಗ್ಲೆಂಡ್‌, ಬಾಂಗ್ಲಾದೇಶ, ನ್ಯೂಜಿಲ್ಯಾಂಡ್‌ ಮತ್ತು ಶ್ರೀಲಂಕಾದ ತಲಾ ಒಬ್ಬರು ತಂಡದಲ್ಲಿದ್ದಾರೆ. ಭಾರತದ ಯಾವುದೇ ಆಟಗಾರ ವಿಶ್ವ ಇಲೆವೆನ್‌ ತಂಡದಲ್ಲಿಲ್ಲ. 

ವಿಶ್ವ ಇಲೆವೆನ್‌ ತಂಡ: ಫಾ ಡು ಪ್ಲೆಸಿಸ್‌ (ನಾಯಕ), ಹಾಶಿಮ್‌ ಆಮ್ಲ, ಸಾಮ್ಯುಯೆಲ್‌ ಬದ್ರಿ, ಜಾರ್ಜ್‌ ಬೈಲಿ, ಪಾಲ್‌ ಕಾಲಿಂಗ್‌ವುಡ್‌, ಬೆನ್‌ ಕಟ್ಟಿಂಗ್‌, ಗ್ರ್ಯಾಂಟ್‌ ಇಲಿಯಟ್‌, ತಮಿಮ್‌ ಇಕ್ಬಾಲ್‌, ಡೇವಿಡ್‌ ಮಿಲ್ಲರ್‌, ಮಾರ್ನೆ ಮಾರ್ಕೆಲ್‌, ಟಿಮ್‌ ಪೈನಿ, ತಿಸರ ಪೆರೆರ, ಇಮ್ರಾನ್‌ ತಾಹಿರ್‌, ಡ್ಯಾರನ್‌ ಸಮ್ಮಿ.