ಲಂಚ ಪಡೆದ ಡಿವೈಎಸ್ಪಿಗೆ ಹಿಂಬಡ್ತಿ!

ಲಕ್ನೋ: ಉತ್ತರಪ್ರದೇಶ ಸರ್ಕಾರ ಭ್ರಷ್ಟಾಚಾರವನ್ನು ಮೂಲೋತ್ಪಾಟನೆ ಮಾಡಲು ಕಟಿಬದ್ಧವಾಗಿದೆ ಎನ್ನುವ ಸಂದೇಶವನ್ನು ಇನ್ನೊಮ್ಮೆ ನೀಡಿದೆ.

ಅತ್ಯಾಚಾರ ಪ್ರಕರಣವನ್ನು ಮುಚ್ಚಿ ಹಾಕಲು ಲಂಚ ಪಡೆದ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಡಿವೈಎಸ್‌ಪಿ ವಿದ್ಯಾಕಿಶೋರ್‌ ಶರ್ಮರಿಗೆ ಯೋಗಿ ಆದಿತ್ಯನಾಥ್‌ ಸರ್ಕಾರ ಇನ್ಸೆ$³ಕ್ಟರ್‌ ಆಗಿ ಹಿಂಬಡ್ತಿ ನೀಡಿದೆ. 2021ರಲ್ಲಿ ಅವರ ವಿರುದ್ಧ ಮಹಿಳೆ ಅತ್ಯಾಚಾರದ ಆರೋಪಿಗಳಿಗೆ ರಕ್ಷಣೆ ನೀಡುತ್ತಿದ್ದಾರೆ, ಅದಕ್ಕಾಗಿ ಲಂಚ ಪಡೆದಿದ್ದಾರೆ ಎಂದು ದೂರಿದ್ದರು. ಆ ಕೂಡಲೇ ಅವರನ್ನು ಅಮಾನತು ಮಾಡಲಾಗಿತ್ತು.

ತನಿಖೆಯ ಬಳಿಕ ಆರೋಪ ಸಾಬೀತಾಗಿರುವುದರಿಂದ ಈ ಕ್ರಮ ಕೈಗೊಳ್ಳಲಾಗಿದೆ. ರಾಮಪುರದ ಖಾಸಗಿ ಆಸ್ಪತ್ರೆ ಮಾಲಿಕ ಮತ್ತು ಇನ್ಸ್‌ ಪೆಕ್ಟರ್‌ ರಾಮವೀರ್‌ ಎನ್ನುವವರು ಅತ್ಯಾಚಾರ ಪ್ರಕರಣದಲ್ಲಿ ಭಾಗಿಯಾಗಿದ್ದರು. ಅದನ್ನು ಮುಚ್ಚಿಹಾಕಲು ವಿದ್ಯಾಕಿಶೋರ್‌ ಲಂಚ ಪಡೆದಿದ್ದರು ಎಂದು ಆರೋಪಿಸಲಾಗಿತ್ತು.