ಶ್ರೀನಗರ-ಜಮ್ಮು ರಾಷ್ಟ್ರೀಯ ಹೆದ್ದಾರಿ 3ನೇ ದಿನವೂ ಬಂದ್‌

ಶ್ರೀನಗರ : ಭೂಕುಸಿತಗಳ ಪರಿಣಾಮವಾಗಿ ಶ್ರೀನಗರ – ಜಮ್ಮು ರಾಷ್ಟ್ರೀಯ ಹೆದ್ದಾರಿಯನ್ನು ಇಂದು ನಿರಂತರ ಮೂರನೇ ದಿನವೂ ಮುಚ್ಚಲಾಗಿದೆ. 

ಕಾಶ್ಮೀರದಲ್ಲಿ ಶುಷ್ಕ ವಾತಾವಾರಣವಿದ್ದು ಹೆಚ್ಚಿನ ಸ್ಥಳಗಳಲ್ಲಿ ತಾಪಮಾನವು ಫ್ರೀಜಿಂಗ್‌ ಪಾಯಿಂಟ್‌ಗಿಂತ ಕೆಳ ಮಟ್ಟದಲ್ಲಿದೆ. 

270 ಕಿ.ಮೀ. ಉದ್ದ ಹೈವೇಯನ್ನು ಕಿರು ಅವಧಿಗಾಗಿ ನಿನ್ನೆ, ಎರಡು ದಿನಗಳ ಬಳಿಕ ವಾಹನ ಸಂಚಾರಕ್ಕೆ ತೆರೆಯಲಾಗಿತ್ತು. ಆದರೆ ಮತ್ತು ಭೂಕುಸಿತಗಳು ಉಂಟಾದ ಕಾರಣ ಪುನಃ ರಾಷ್ಟ್ರೀಯ ಹೆದ್ದಾರಿಯನ್ನು ಮುಚ್ಚಲಾಯಿತು ಎಂದು ಟ್ರಾಫಿಕ್‌ ಕಂಟ್ರೋಲ್‌ ರೂಮಿನ ಅಧಿಕಾರಿ ತಿಳಿಸಿದ್ದಾರೆ.