ಏಳು ತಾರೆಯರಿಗೆ ಡ್ರಗ್ಸ್‌ ಸಮನ್ಸ್‌?

ಮುಂಬಯಿ: ಬಾಲಿವುಡ್‌ನ‌ ಏಳು “ಎ’ ದರ್ಜೆಯ ತಾರೆಯರಿಗೆ ರಾಷ್ಟ್ರೀಯ ಮಾದಕ ವಸ್ತುಗಳ ನಿಯಂತ್ರಣ ಮಂಡಳಿ (ಎನ್‌ಸಿಬಿ)ಯು ಸದ್ಯದಲ್ಲೇ ಭಾರೀ ಶಾಕ್‌ ನೀಡುವ ಸಂಭವವಿದೆ. ಈ ಏಳು “ಬಿಗ್‌ ಸ್ಟಾರ್‌’ಗಳಿಗೆ ಮಂಗಳವಾರವೇ ಎನ್‌ಸಿಬಿ ಸಮನ್ಸ್‌ ಜಾರಿ ಮಾಡುವ ಸಾಧ್ಯತೆ ಇದೆ. ಎನ್‌ಸಿಬಿ ಮುಖ್ಯಸ್ಥ ರಾಕೇಶ್‌ ಅಸ್ಥಾನ ಅವರು ಅಧಿಕಾರಿಗಳಿಗೆ ಹಸುರು ಸಂಕೇತ ನೀಡಿದ್ದಾರೆ. ಬಾಲಿವುಡ್‌ನ‌ ಇನ್ನೂ 50 ಮಂದಿಯ ಮೇಲೆ ಎನ್‌ಸಿಬಿ ಕಣ್ಣಿಟ್ಟಿದೆ ಎನ್ನಲಾಗುತ್ತಿದೆ.

ಈ ಸಂಬಂಧ ಆಂಗ್ಲ ಸುದ್ದಿವಾಹಿನಿಯೊಂದು ವರದಿ ಮಾಡಿದೆ. ತನಿಖೆಯ ಪರಿಶೀಲನೆಗಾಗಿ ರವಿವಾರ ಮುಂಬಯಿಗೆ ಆಗಮಿಸಿರುವ ಅಸ್ಥಾನ ಅವರು ಹಿರಿಯ ಅಧಿಕಾರಿಗಳ ಜತೆಗೆ ಸರಣಿ ಚರ್ಚೆ ನಡೆಸಿದ್ದಾರೆ. ಬಾಲಿವುಡ್‌ನ‌ ಯಾರಿಗೇ ಆಗಲಿ, ಅಧಿಕಾರಿಗಳು ನಿರಾತಂಕವಾಗಿ ಸಮನ್ಸ್‌ ಜಾರಿ ಮಾಡಬಹುದು ಎಂದು ಹೇಳಿದ್ದಾರೆ ಎನ್ನಲಾಗಿದೆ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ

ನಿರ್ಮಾಪಕರ ಮೇಲೂ ಕಣ್ಣು
ಕೆಲವು ನಿರ್ಮಾಪಕರ ಮೇಲೂ ಎನ್‌ಸಿಬಿ ಕಣ್ಣು ಬಿದ್ದಿದೆ. ಮೂಲಗಳ ಪ್ರಕಾರ ಒಟ್ಟು 50 ಮಂದಿಯ ಮೇಲೆ ನಿಗಾ ಇರಿಸಲಾಗಿದೆ. ಸಾಕ್ಷ್ಯಗಳು ಸಿಕ್ಕಿದ ಕೂಡಲೇ ಸಮನ್ಸ್‌ ನೀಡಲಾಗುತ್ತದೆ ಎನ್ನಲಾಗಿದೆ.

ದೀಪಿಕಾಗೆ ಮತ್ತೂಂದು ಸುತ್ತಿನ ವಿಚಾರಣೆ
ಕಳೆದ ವಾರವಷ್ಟೇ ದೀಪಿಕಾ ಪಡುಕೋಣೆ, ರಕುಲ್‌ ಪ್ರೀತ್‌ ಸಿಂಗ್‌, ಶ್ರದ್ಧಾ ಕಪೂರ್‌, ಸಾರಾ ಅಲಿ ಖಾನ್‌ ಮತ್ತು ದೀಪಿಕಾ ಅವರ ಮ್ಯಾನೇಜರ್‌ ಕರಿಷ್ಮಾ ಅವರನ್ನು ಎನ್‌ಸಿಬಿ ಅಧಿಕಾರಿಗಳು ವಿಚಾರಣೆ ನಡೆಸಿದ್ದರು. ಆದರೆ ಇವರು ಸಮರ್ಪಕ ಉತ್ತರ ನೀಡಿಲ್ಲ, ಆದ್ದರಿಂದ ಮತ್ತೆ ವಿಚಾರಣೆಗ