ಬೆಂಗಳೂರು: ಕೊಡಿಗೇಹಳ್ಳಿ ಮೇಲು ಸೇತುವೆಯಲ್ಲಿ ಇತ್ತೀಚೆಗೆ ಹಿಮ್ಮುಖವಾಗಿ ಕಾರು ಚಲಾಯಿಸಿ ವಾಹನ ಸವಾರರಿಗೆ ತೊಂದರೆ ಕೊಡುತ್ತಿದ್ದ ಕಾರು ಚಾಲಕನನ್ನು ಹೆಬ್ಬಾಳ ಸಂಚಾರ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಹೆಮ್ಮಿಗೆಪುರದ ನಿವಾಸಿ ಉದಯನ್‌(39) ಬಂಧಿತ ಕಾರು ಚಾಲಕ. ಈತನ ಕಾರು ಜಪ್ತಿ ಮಾಡಲಾಗಿದೆ.
ಜೂ.26 ರಂದು ಬೆಳಗ್ಗೆ 9 ಗಂಟೆಗೆ ಕಾರು ಚಾಲಕನೊಬ್ಬ ಕೊಡಿ ಗೇಹಳ್ಳಿ ಮೇಲು ಸೇತುವೆಯಲ್ಲಿ ಹೆಬ್ಟಾಳ ಕಡೆಯಿಂದ ಯಲ ಹಂಕ ಕಡೆಗೆ ಕಾರನ್ನು ಹಿಮ್ಮುಖ ವಾಗಿ ಚಲಾ ಯಿಸಿ, ಇತರೆ ವಾಹನ ಸವಾರರಿಗೆ ತೊಂದರೆ ಉಂಟು ಮಾಡಿದ್ದ. ಈ ದೃಶ್ಯವನ್ನು ಸಾರ್ವಜನಿಕರೊಬ್ಬರು ಮೊಬೈಲ್‌ನಲ್ಲಿ ಸೆರೆ ಹಿಡಿದು ಎಕ್ಸ್‌ ಖಾತೆಯಲ್ಲಿ ನಗರ ಸಂಚಾರ ಪೊಲೀಸರಿಗೆ ಟ್ಯಾಗ್‌ ಮಾಡಿದ್ದರು. ಈ ವಿಡಿಯೋ ಆಧರಿಸಿ ಹೆಬ್ಟಾಳ ಸಂಚಾರ ಠಾಣೆ ಪೊಲೀಸರು, ಆ ಕಾರನ್ನು ಪತ್ತೆ ಹಚ್ಚಿ ಚಾಲಕನನ್ನು ಬಂಧಿಸಿದ್ದಾರೆ. ಆರೋಪಿಯ ಕಾರಿಗೆ ಅರ್ಹತ ಪ್ರಮಾಣ ಪತ್ರ(ಎಫ್ಸಿ)ದ ಅವಧಿ ಮುಗಿದಿದೆ. ಕಾರಿನ ವಿಮೆ ಕೂಡ ಚಾಲ್ತಿಯಲ್ಲಿ ಇಲ್ಲದಿರುವುದು ಕಂಡು ಬಂದಿದೆ. ಈ ಸಂಬಂಧ ಹೆಬ್ಟಾಳ ಸಂಚಾರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ ಎಂದು ಸಂಚಾರ ಪೊಲೀಸರು ಮಾಹಿತಿ ನೀಡಿದರು.
