ಕಾಶ್ಮೀರದಲ್ಲಿ ಪಾಕ್‌ ಹೆರಾಯಿನ್‌ ವಶ, ಮೂವರು ಅರೆಸ್ಟ್‌

ಹೊಸದಿಲ್ಲಿ : ಕಂದಾಯ ಗುಪ್ತಚರ ನಿರ್ದೇಶನಾಲಯದ ಅಧಿಕಾರಿಗಳು ಇಂದು ಮೂವರು ಸ್ಮಗ್ಲರ್‌ ಗಳನ್ನು ಶ್ರೀನಗರದಲ್ಲಿ ಬಂಧಿಸಿ, ಅವರಿಂದ ಪಾಕ್‌ನಿಂದ ಕಳ್ಳಸಾಗಣೆಯಾಗಿ ಬಂದಿದ್ದ 627 ಗ್ರಾಂ ಹೆರಾಯಿನ್‌ ವಶಪಡಿಸಿಕೊಂಡರು. 

ಈ ಮಾದಕ ದ್ರವ್ಯ ಕಾಶ್ಮೀರದಿಂದ ಪಂಜಾಬ್‌ ಗೆ ರವಾನೆಯಾಗುವುದಿತ್ತು ಎಂದು ಗೊತ್ತಾಗಿದೆ.

ಖಚಿತ ಮಾಹಿತಿಯ ಮೇರೆಗೆ ಅಧಿಕಾರಿಗಳು ಶ್ರೀನಗರದ ಬಟ್ವಾರಾ ಪ್ರದೇಶದಲ್ಲಿ ಶಂಕಿತ ವಾಹನವೊಂದನ್ನು ನಿಲ್ಲಿಸಿ ತಪಾಸಣೆ ನಡೆಸಿದಾಗ ಹೆರಾಯಿನ್‌ ಪತ್ತೆಯಾಯಿತು. ಅಂತೆಯೇ ಮೂವರು ಸ್ಮಗ್ಲರ್‌ ಗಳನ್ನು ಬಂಧಿಸಲಾಯಿತು.