ಭಾರತೀಯ ಯೋಧರಿಗಾಗಿ ಸಿದ್ಧವಾಯ್ತು ಲೈಟ್-ವೇಟ್ ಬುಲೆಟ್ ಪ್ರೂಫ್ ಜಾಕೆಟ್

ನವದೆಹಲಿ: ಭಾರತೀಯ ಯೋಧರಿಗಾಗಿ ಹಗುರವಾದ ಬುಲೆಟ್ ಪ್ರೂಫ್ ಚಾಕೆಟ್‍ಗಳನ್ನು ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಯು ಅಭಿವೃದ್ಧಿ ಪಡಿಸಿದೆ.

ಕಾನ್ಪುರದಲ್ಲಿನ ರಕ್ಷಣಾ ಸಾಮಗ್ರಿಗಳು ಮತ್ತು ಮಳಿಗೆಗಳು ಸಂಶೋಧನಾ ಮತ್ತು ಅಭಿವೃದ್ಧಿ ಸಂಸ್ಥೆ ಪ್ರಯೋಗಾಲಯವು ಸಿದ್ಧಪಡಿಸಿರುವ ಈ ಜಾಕೆಟ್ ಕೇವಲ 9 ಕೆಜಿ ತೂಕ ಹೊಂದಿದೆ. ಉತ್ತಮ ಗುಣಮಟ್ಟವನ್ನು ಒಳಗೊಂಡಿದೆ. ಚಂಡೀಗಡದ ಟರ್ಮಿನಲ್ ಬ್ಯಾಲೆಸ್ಟಿಕ್ ರೀಸರ್ಚ್ ಲ್ಯಾಬೊರೇಟರಿಯಲ್ಲಿ ಫ್ರಂಟ್ ಹಾರ್ಡ್ ಆರ್ಮರ್ ಪ್ಯಾನಲ್ (ಎಫ್‌ಎಚ್‌ಎಪಿ) ಜಾಕೆಟ್ ಅನ್ನು ಪರೀಕ್ಷಿಸಲಾಗಿದ್ದು, ಅದು ಬಿಐಎಸ್‌ನ ಮಾನದಂಡಗಳಿಗೆ ಅನುಗುಣವಾಗಿದೆ ಎಂದು ನಿರ್ಧರಿಸಲಾಗಿದೆ.

ಈ ಮೊದಲು ಮಧ್ಯಮ ಗಾತ್ರದ ಬುಲೆಟ್ ಪ್ರೂಫ್ ಚಾಕೆಟ್‍ಗಳು 10.4 ಕೆಜಿ ತೂಕವಿದ್ದವು. ಈಗ ಹೊಸ ತಂತ್ರಜ್ಞಾನದ ಮೂಲಕ ಆ ತೂಕವನ್ನು 9 ಕೆಜಿಗೆ ಇಳಿಸಲಾಗಿದೆ.

ಆತ್ಮನಿರ್ಭರ ಯೋಜನೆಯಡಿ ಈ ಹಗುರ ತೂಕದ ಗುಂಡು ನಿರೋಧಕ ಜಾಕೆಟ್ ಅನ್ನು ತಯಾರಿಸುವ ಮೂಲಕ ಸೈನಿಕರಿಗೆ ಹೆಚ್ಚು ಅನುಕೂಲ ಮಾಡಿಕೊಟ್ಟ ಡಿಆರ್‌ಡಿಒ ವಿಜ್ಞಾನಿಗಳು ಮತ್ತು ಉದ್ಯಮವನ್ನು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಶ್ಲಾಘಿಸಿದ್ದಾರೆ.