ಮನ್ನಡ್ಕಪಾದೆ: ಮೋರಿ ನಿರ್ಮಾಣ ಕಾರ್ಯ

ಬೆಳ್ತಂಗಡಿ: ಚಾರ್ಮಾಡಿ ಗ್ರಾ.ಪಂ. ವ್ಯಾಪ್ತಿಯ ಕಕ್ಕಿಂಜೆ-ನೆರಿಯ ರಸ್ತೆಯ ಮನ್ನಡ್ಕಪಾದೆಯಲ್ಲಿ ಕೆರೆಯ ಒಸರಿನ ನೀರು ಕೊಳಚೆ ನೀರಿನ ರಸ್ತೆಗೆ ಸೇರುತ್ತಿದ್ದ ಹಿನ್ನೆಲೆಯಲ್ಲಿ ರವಿವಾರ ರಸ್ತೆಗೆ ಅಡ್ಡಲಾಗಿ ಮೋರಿ ನಿರ್ಮಾಣ ಕಾರ್ಯ ನಡೆದಿದೆ. ಮನ್ನಡ್ಕಪಾದೆಯಲ್ಲಿರುವ ಕೊಳಚೆ ನೀರು ರಸ್ತೆಗೆ ಸೇರುತ್ತದೆ ಎಂದು ಸಂಬಂಧಪಟ್ಟವರಿಗೆ ದೂರು ನೀಡಿದ್ದರು. ಈ ಕುರಿತು ಪರಿಶೀಲಿಸಿದ ಗ್ರಾ.ಪಂ. ಕೆರೆಯಿಂದ ಒಸರಿನ ನೀರು ಸ್ಥಳೀಯ ಹೊಟೇಲಿನ ಕೊಳಚೆ ನೀರಿನ ಜತೆಗೆ ರಸ್ತೆ ಬರುತ್ತಿದೆ ಎಂದು ತಿಳಿಸಿತ್ತು. ಈ ಕುರಿತು ಉದಯವಾಣಿ ಸುದಿನದಲ್ಲೂ ಸಚಿತ್ರ ವರದಿ ಪ್ರಕಟಗೊಂಡಿತ್ತು. ಈ ಹಿಂದೆಯೇ ಲೋಕೋಪಯೋಗಿ ಅಧಿಕಾರಿ ಪರಿಶೀಲನೆ ನಡೆಸಿದ್ದರು ಎಂದು ಚಾರ್ಮಾಡಿ ಗ್ರಾ.ಪಂ. ಪಿಡಿಒ ತಿಳಿಸಿದ್ದರು. ಹೀಗಾಗಿ ಪ್ರಸ್ತುತ ಗ್ರಾ.ಪಂ.ನ ಒತ್ತಡದ ಹಿನ್ನೆಲೆಯಲ್ಲಿ ಮೋರಿ ನಿರ್ಮಾಣ ಕಾರ್ಯ ನಡೆದಿದೆ.