ಲಕ್ನೋದಿಂದ “ಡಾಲಿ’ಜಾಲಿ ಶುರು

ಧನಂಜಯ್‌ ನಾಯಕರಾಗಿ ನಟಿಸುತ್ತಿರುವ, ಯೋಗೇಶ್‌ ನಾರಾಯಣ್‌ ನಿರ್ಮಿಸುತ್ತಿರುವ “ಡಾಲಿ’ ಚಿತ್ರದ ಮುಹೂರ್ತ ಸಮಾರಂಭ ಇತ್ತೀಚೆಗೆ ಗವಿಪುರಂನ ಬಂಡೆ ಮಹಾಕಾಳಿ ದೇವಸ್ಥಾನದಲ್ಲಿ ನೆರವೇರಿತು. ಚಿತ್ರದ ಮೊದಲ ಸನ್ನಿವೇಶಕ್ಕೆ ಪದ್ಮಜಾ ನಾರಾಯಣ್‌ ಅವರು ಆರಂಭ ಫ‌ಲಕ ತೋರಿದರು.

“ಡಾಲಿ” ಚಿತ್ರದ ಚಿತ್ರೀಕರಣ ಇದೇ ತಿಂಗಳ 23ರಿಂದ ಲಕ್ನೋದಲ್ಲಿ ಆರಂಭವಾಗಲಿದೆ. ಮೊದಲ ಹಂತದ ಚಿತ್ರೀಕರಣ ಲಕ್ನೋ ಹಾಗೂ ಆಗ್ರಾದಲ್ಲಿ ನಡೆಯಲಿದ್ದು, ದ್ವಿತೀಯ ಹಂತದ ಚಿತ್ರೀಕರಣ ಬೆಂಗಳೂರು, ಮೈಸೂರಿನಲ್ಲಿ ನಡೆಯಲಿದೆ. ಈ ಹಿಂದೆ “ಗಣಪ’, “ಕರಿಯ 2′, “ಪಾರಿಜಾತ’ ಹಾಗೂ “ಜೀವ’ ಚಿತ್ರಗಳನ್ನು ನಿರ್ದೇಶಿಸಿದ್ದ ಪ್ರಭು ಶ್ರೀನಿವಾಸ್‌ ಈ ಚಿತ್ರದ ನಿರ್ದೇಶಕರು.

ಇದು ಅವರ ನಿರ್ದೇಶನದ ಐದನೇ ಚಿತ್ರ. ಅನೂಪ್‌ ಸೀಳಿನ್‌ ಸಂಗೀತವಿರುವ ಈ ಚಿತ್ರಕ್ಕೆ ಶ್ರೀನಿವಾಸನ್‌ ದೇವಾಂಶಂ ಅವರ ಛಾಯಾಗ್ರಹಣವಿದೆ. ಡಾಲಿ ಧನಂಜಯ್‌ ಅವರಿಗೆ ನಾಯಕಿಯರಾಗಿ ರಚಿತಾ ರಾಮ್‌ ಹಾಗೂ ಭವ್ಯ ಅನಯಿಸುತ್ತಿದ್ದಾರೆ.