ಯಜಮಾನ ಸತ್ತ ದುಃಖದಲ್ಲಿ ಅನ್ನ-ನೀರು ಬಿಟ್ಟ ನಾಯಿ “ಕಡ್ಡಿ’

ಬೆಳಗಾವಿ: ಯಜಮಾನ ತೀರಿ ಹೋದ ದುಃಖದಲ್ಲಿ ಸಾಕು ನಾಯಿಯೊಂದು ಅನ್ನ- ನೀರು ಬಿಟ್ಟು ಕುಳಿತಿದೆಯಲ್ಲದೇ ರೋದಿಸುತ್ತಿದೆ.

ಮಾಲೀಕ ಶಂಕರೆಪ್ಪ ಮಡಿವಾಳ ಅವರಿಗೆ ಈ ನಾಯಿ ಎಂದರೆ ಬಲು ಪ್ರೀತಿ. ಇದಕ್ಕೆ ಪ್ರೀತಿಯಿಂದ ಕಡ್ಡಿ ಎಂದು ಕರೆಯುತ್ತಿದ್ದರು. ಅತ್ಯಂತ ಪ್ರೀತಿಯಿಂದ ಸಾಕಿದ್ದರು. ನಿತ್ಯ ಆಹಾರ, ನೀರು ಇವರೇ ಕೊಡುತ್ತಿದ್ದರು. ಈಗ ಯಜಮಾನನಿಲ್ಲದೇ ಮನನೊಂದ ನಾಯಿ ಏನೂ ಸೇವಿಸದೇ ಮಾಲಕ ಮಲಗುವ ಸ್ಥಳ, ಕುಳಿತುಕೊಳ್ಳುವ ಜಾಗದಲ್ಲೇ ಮಲಗಿ ದುಃಖ ವ್ಯಕ್ತಪಡಿಸುತ್ತಿದೆ.

ಯಜಮಾನನನ್ನು ಕಳೆದುಕೊಂಡು ಅನಾಥವಾಗಿದೆ. ಮನೆಯವರು ಊಟ, ನೀರು ಕೊಟ್ಟರೂ ಅದನ್ನು ಮುಟ್ಟುತ್ತಿಲ್ಲ.
ದಿನಾಲೂ ತನ್ನ ಒಡೆಯನ ಸಮಾಧಿಗೆ ಹೋಗಿ ಬರುತ್ತಿದೆ. ಶಂಕರೆಪ್ಪ ಅವರು ಸಾಕಿದ್ದ ಕೋತಿಯೂ ಕೂಡ ಆಹಾರ ಸೇವಿಸದೇ ದುಃಖೀತವಾಗಿರುವ ದೃಶ್ಯ ಮನಕಲಕುವಂತಿದೆ.