ನಟಿ ಮಾನ್ವಿತಾ ಕಾಮತ್‌ ಈಗ ಮದುವೆ ಮೂಡ್‌ನ‌ಲ್ಲಿದ್ದಾರೆ. ಸದ್ಯ ಮದುವೆ ತಯಾರಿಯಲ್ಲಿ ಬಿಝಿಯಾಗುತ್ತಿದ್ದಾರೆ.
ಹೌದು, “ಕೆಂಡಸಂಪಿಗೆ’ ಮೂಲಕ ಚಿತ್ರರಂಗಕ್ಕೆ ಬಂದು “ಟಗರುಪುಟ್ಟಿ’ ಯಾದ ಮಾನ್ವಿತಾ ಈಗ ಹಸೆಮಣೆ ಏರಲು ಅಣಿಯಾಗಿದ್ದಾರೆ. ಮೈಸೂರು ಮೂಲದ ಅರುಣ್‌ ಕುಮಾರ್‌ ಅವರನ್ನು ಮಾನ್ವಿತಾ ವರಿಸಲಿದ್ದಾರೆ. ಅರುಣ್‌ ಮ್ಯೂಸಿಕ್‌ ಪ್ರೊಡ್ನೂಸರ್‌ ಆಗಿದ್ದು, ಮೇ 1ರಂದು ಕಳಸದಲ್ಲಿ ಇವರಿಬ್ಬರ ವಿವಾಹ ನಡೆಯಲಿದೆ.
ಇತ್ತೀಚೆಗೆ ಮಾಧ್ಯಮ ಮುಂದೆ ಬಂದಿದ್ದ ಮಾನ್ವಿತಾ, ಹಲವು ವಿಚಾರಗಳನ್ನು ಹಂಚಿಕೊಂಡಿ ದ್ದಾರೆ. ಮುಖ್ಯವಾಗಿ ತಮ್ಮದು ಲವ್‌ ಮ್ಯಾರೇಜ್‌ ಅಲ್ಲ, ಅರೇಂಜ್‌ ಮ್ಯಾರೇಜ್‌ ಎಂದಿದ್ದಾರೆ.
ಸಾಮಾನ್ಯ ನಾಯಕಿ ನಟಿಯೊಬ್ಬಳು ಮದುವೆ ಯಾ ಗುತ್ತಿದ್ದಾಳೆ ಎಂದಾಗ ಬರುವ ಪ್ರಶ್ನೆ ಎಂದರೆ ಮುಂದೆ ಸಿನಿಮಾ ಮಾಡುತ್ತಾರಾ ಎನ್ನುವುದು. ಮಾನ್ವಿತಾ ಈ ಪ್ರಶ್ನೆಗೆ ಉತ್ತರಿಸಿದ್ದಾರೆ. “ನಾನು ಮದುವೆ ನಂತರವೂ ಸಿನಿಮಾ ಮಾಡುತ್ತೇನೆ. ಪರ್ಸನಲ್‌ ಬೇರೆ, ಪ್ರೊಫೆಶನಲ್‌ ಬೇರೆ. ಅವೆರಡನ್ನು ಮಿಕ್ಸ್‌ ಮಾಡಲ್ಲ’ ಎಂದಿದ್ದಾರೆ.
ಇನ್ನು, ಮುಂದಿನ ಮೂರು ತಿಂಗಳು ಶುಭ ಮುಹೂರ್ತ ಇರಲಿಲ್ಲ. ಹಾಗಾಗಿ, ಮೇ 1ಕ್ಕೆ ಮದುವೆ ಆಗುತ್ತಿದ್ದೇವೆ’ ಎನ್ನುತ್ತಾರೆ ಮಾನ್ವಿತಾ.
