T. K. Chathunni: ಮಾಜಿ ಫುಟ್ಬಾಲಿಗ ಟಿ.ಕೆ. ಚಾತ್ತುಣ್ಣಿ ನಿಧನ

ಕೊಚ್ಚಿ: ಭಾರತ ಫ‌ುಟ್‌ಬಾಲ್‌ ತಂಡದ ಮಾಜಿ ಆಟಗಾರ ಹಾಗೂ ತರಬೇತುದಾರ ಟಿ.ಕೆ. ಚಾತ್ತುಣ್ಣಿ (79) ಬುಧವಾರ ನಿಧನ ಹೊಂದಿದರು. ಕ್ಯಾನ್ಸರ್‌ನಿಂದ ನರಳುತ್ತಿದ್ದ ಅವರು ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು.

1960ರಿಂದ 1970ರ ವರೆಗೆ ಭಾರತ ಫ‌ುಟ್‌ಬಾಲ್‌ ತಂಡದಲ್ಲಿ ಡಿಫೆಂಡರ್‌ ಆಗಿ ಆಡಿದ್ದರು. ಆಟಗಾರನಾಗಿ, ತರಬೇತುದಾರನಾಗಿ ಸುಮಾರು 40 ವರ್ಷಗಳ ಕಾಲ ಅವರು ಸೇವೆ ಸಲ್ಲಿಸಿದ್ದಾರೆ. “ಫ‌ುಟ್‌ಬಾಲ್‌ ಮೈ ಸೋಲ್‌’ ಎಂಬ ಆತ್ಮಚರಿತ್ರೆಯನ್ನೂ ಬರೆದಿದ್ದಾರೆ.