ವಯನಾಡ್: ಲೋಕಸಭೆ ಸದಸ್ಯತ್ವ ಮರುಪಡೆದ ನಂತರ ತನ್ನ ಸಂಸತ್ ಕ್ಷೇತ್ರ ಕೇರಳದ ವಯನಾಡ್ ಗೆ ಮೊದಲ ಭೇಟಿ ನೀಡಿದ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಶನಿವಾರ ಭಾರತೀಯ ಜನತಾ ಪಕ್ಷ (ಬಿಜೆಪಿ) ಮೇಲೆ ವಾಗ್ದಾಳಿ ನಡೆಸಿದರು.
ವಯನಾಡಿನ ಕಲ್ಪೆಟ್ಟಾದಲ್ಲಿ ಕಾಂಗ್ರೆಸ್ ನೇತೃತ್ವದ ಯುಡಿಎಫ್ ಮೈತ್ರಿಕೂಟ ಆಯೋಜಿಸಿದ್ದ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ರಾಹುಲ್, ಬಿಜೆಪಿ ನನ್ನನ್ನು 50 ಬಾರಿ ಅನರ್ಹಗೊಳಿಸಬಹುದು, ಆದರೆ ವಯನಾಡಿನೊಂದಿಗಿನ ನನ್ನ ಸಂಬಂಧ ಎಂದಿಗೂ ಬದಲಾಗುವುದಿಲ್ಲ ಎಂದರು.
“ಯಾರಾದರೂ ನಮ್ಮ ಕುಟುಂಬದ ಸದಸ್ಯರನ್ನು ಬೇರ್ಪಡಿಸಲು ಪ್ರಯತ್ನಿಸುತ್ತಾರೆ ಎಂದು ಭಾವಿಸೋಣ, ಯಾರಾದರೂ ಇಬ್ಬರು ಸಹೋದರರನ್ನು ಪರಸ್ಪರ ಬೇರ್ಪಡಿಸಲು ಪ್ರಯತ್ನಿಸುತ್ತಾರೆ ಎಂದು ಭಾವಿಸೋಣ, ಯಾರಾದರೂ ತಂದೆಯನ್ನು ತನ್ನ ಮಗಳಿಂದ ಬೇರ್ಪಡಿಸಲು ಪ್ರಯತ್ನಿಸುತ್ತಾನೆ ಎಂದು ಭಾವಿಸೋಣ, ತಂದೆ ಮತ್ತು ನಡುವಿನ ಸಂಬಂಧವನ್ನು ನೀವು ಯೋಚಿಸುತ್ತೀರಾ? ಮಗಳು ದುರ್ಬಲಳಾಗುತ್ತಾಳೆ ಅಥವಾ ಬಲಶಾಲಿಯಾಗುತ್ತಾಳೆಯೇ? ಯಾರಾದರೂ ಕುಟುಂಬವನ್ನು ಬೇರ್ಪಡಿಸಲು ಪ್ರಯತ್ನಿಸಿದರೆ, ಕುಟುಂಬವು ಬಲಗೊಳ್ಳುತ್ತದೆ; ಯಾರಾದರೂ ತಂದೆ ಮತ್ತು ಮಗನನ್ನು ಬೇರ್ಪಡಿಸಲು ಪ್ರಯತ್ನಿಸಿದರೆ, ತಂದೆ ಮತ್ತು ಮಗನ ನಡುವಿನ ಸಂಬಂಧವು ಗಟ್ಟಿಯಾಗುತ್ತದೆ … ತಂದೆ ಮತ್ತು ಮಗನ ನಡುವಿನ ಪ್ರೀತಿ ಬಲಶಾಲಿಯಾಗುತ್ತದೆ ಎಂದು ರಾಹುಲ್ ಗಾಂಧಿ ಹೇಳಿದರು.
ಅವರು (ಬಿಜೆಪಿ) ನನ್ನನ್ನು ನಿಮ್ಮಿಂದ ದೂರ ಮಾಡಲು ಯತ್ನಿಸಿದಷ್ಟು ನಾನು ನಿಮಗೆ ಹತ್ತಿರವಾಗುತ್ತೇನೆ ಎಂದು ಅವರಿಗೆ ಗೊತ್ತಿಲ್ಲ. ರಾಹುಲ್ ಗಾಂಧಿಯನ್ನು ಅನರ್ಹಗೊಳಿಸಿದರೆ ವಯನಾಡಿನೊಂದಿಗೆ ಅವನ ಸಂಬಂಧ ಮುರಿಯುತ್ತದೆ ಎಂದು ಅವರು ತಿಳಿದಿದ್ದಾರೆ. ಆದರೆ ಆದರೆ ನನ್ನ ಸಂಬಂಧ ಮತ್ತಷ್ಟು ಗಾಢವಾಗುತ್ತದೆ, ವಯನಾಡಿನ ಜನರಿಗೆ ನನ್ನ ಪ್ರೀತಿ ಮತ್ತಷ್ಟು ಗಟ್ಟಿಯಾಗುತ್ತದೆ ಮತ್ತು ರಾಹುಲ್ ಗಾಂಧಿ ಕಡೆಗೆ ವಯನಾಡಿನ ಜನರ ಪ್ರೀತಿಯು ಹೆಚ್ಚುತ್ತದೆ ಎಂದು ರಾಹುಲ್ ಹೇಳಿದರು.
