ಡಿಸ್ನಿಯಿಂದ 7 ಸಾವಿರ ಮಂದಿ ವಜಾ

ಲಾಸ್‌ ಏಂಜಲೀಸ್‌: ಜಗತ್ತಿನ ಮನರಂಜನಾ ಕ್ಷೇತ್ರದ ಕಂಪನಿ ವಾಲ್ಟ್ ಡಿಸ್ನಿ ಕಂಪನಿ 7 ಸಾವಿರ ಮಂದಿಯನ್ನು ಕೆಲಸದಿಂದ ತೆಗೆದು ಹಾಕಲು ತೀರ್ಮಾನಿಸಿದೆ. ಈ ಬಗ್ಗೆ ಕಂಪನಿಯ ಸಿಇಒ ರಾಬರ್ಟ್‌ ಐಗರ್‌ ಮಾಹಿತಿ ನೀಡಿದ್ದಾರೆ.

ವೆಚ್ಚ ಕಡಿತಗೊಳಿಸುವ ನಿಟ್ಟಿನಲ್ಲಿ ಕಂಪನಿ ಈ ತೀರ್ಮಾನ ಕೈಗೊಂಡಿದೆ. ಜಗತ್ತಿನಲ್ಲಿ ಕಂಪನಿ ಹೊಂದಿರುವ ಒಟ್ಟು ಉದ್ಯೋಗಿಗಳ ಪೈಕಿ ಶೇ.3.6 ಮಂದಿಯನ್ನು ಉದ್ಯೋಗದಿಂದ ಕೈಬಿಡಲಾಗುತ್ತಿದೆ. ಈ ಕ್ರಮದಿಂದಾಗಿ ಕಂಪನಿಗೆ 5.5 ಬಿಲಿಯನ್‌ ಡಾಲರ್‌ ಮೊತ್ತ ಉಳಿತಾಯ ಮಾಡಿದಂತಾಗುತ್ತದೆ. ಐದು ವರ್ಷಗಳಲ್ಲಿ ಮೂರನೇ ಬಾರಿಗೆ ಕಂಪನಿ ಉದ್ಯೋಗ ಕಡಿತ ನಿರ್ಧಾರವನ್ನು ಸಂಸ್ಥೆ ಕೈಗೊಂಡಿದೆ.