ಹಿರಿಯ ನಟ, ನಿರ್ದೇಶಕ ರಾಜಶೇಖರ್‌ ಇನ್ನಿಲ್ಲ

ಚೆನ್ನೈ:  ಹಲವು ಯಶಸ್ವಿ ತಮಿಳು ಚಿತ್ರಗಳನ್ನು ನಿರ್ದೇಶಿಸಿದ್ದ ರಾಜಶೇಖರ್‌ ರವಿವಾರ ಚೆನ್ನೈನಲ್ಲಿ ಹೃದಯಾಘಾತದಿಂದ ಮೃತರಾಗಿದ್ದಾರೆ. ಅವರಿಗೆ 62 ವರ್ಷ ವಯಸ್ಸಾಗಿತ್ತು.

ಖ್ಯಾತ ನಿರ್ದೇಶಕ ರಾಬರ್ಟ್‌ ಅಶ್ವಿರ್ವಥಂ ಜೊತೆ ಹಲವು ಚಿತ್ರ ನಿರ್ದೇಶಿಸಿದ್ದ ರಾಜಶೇಖರ್‌, ʼರಾಬರ್ಟ್-ರಾಜಶೇಖರ್‌ʼ ಜೋಡಿಯಾಗಿ ಪ್ರಸಿದ್ದರಾಗಿದ್ದರು.  ʼಪಾಲೈವನಚೋಲೈʼ, ʼಚಿನ್ನಪೂವೇ ಮೆಲ್ಲ ಪೇಸುʼ, ʼಧೂರಂ ಅಧಿಗಮಿಲ್ಲೈʼ, ʼಮನಸುಕ್ಕುಲು ಮತಪ್ಪುʼ, ʼಪರವೈಗಲ್‌ ಪಲಾವಿದಂʼ ಮುಂತಾದ ಹಿಟ್‌ ಚಿತ್ರಗಳನ್ನು ಈ ಜೋಡಿ ಬೆಳ್ಳಿತೆರೆಗೆ ನೀಡಿತ್ತು.

ಬೆಳ್ಳಿತೆರೆಯ ಯಶಸ್ಸಿನ ನಂತರ ಕಿರುತರೆಯಲ್ಲಿ ಕಾಣಿಸಿಕೊಂಡಿದ್ದ ರಾಜಶೇಖರ್‌ ಅಲ್ಲೂ ಯಶಸ್ಸು ಕಂಡಿದ್ದರು. ರಾಜಶೇಖರ್‌ ಅವರ ಪಾರ್ಥೀವ ಶರೀರದ ಅಂತಿಮ ವಿಧಿವಿಧಾನ ರವಿವಾರ ಸಂಜೆ ಚೆನ್ನೈನಲ್ಲಿ ನಡೆಯಿತು.