ಗಡಿ ಸಮಸ್ಯೆಗೆ ರಾಜತಾಂತ್ರಿಕ ಮದ್ದು

ಲಡಾಖ್‌: ಕೊನೆಗೂ ಪೂರ್ವ ಲಡಾಖ್‌ನಲ್ಲಿ ಭಾರತ ಮತ್ತು ಚೀನ ಸಂಧಾನದ ಬಾವುಟ ಹಾರಿಸಿವೆ.ಉಭಯ ರಾಷ್ಟ್ರಗಳ ಲೆಫ್ಟಿನೆಂಟ್‌ ಜನರಲ್‌ಗ‌ಳ ನಿಯೋಗದ ಸಭೆ ಲಡಾಖ್‌ನ ಚುಶುಲ್‌- ಮೊಲ್ಡೊದ ಬಾರ್ಡರ್‌ ಪರ್ಸನಲ್‌ ಮೀಟಿಂಗ್‌ ಪಾಯಿಂಟ್‌ನಲ್ಲಿ ಶನಿವಾರ ನಡೆಯಿತು.

ಬೆಳಗ್ಗೆ 11.30ಕ್ಕೆ ಆರಂಭಗೊಂಡ ಸಭೆ ಹಲವು ಹಂತಗಳ ಸಂಧಾನ ಮಾತುಕತೆಗೆ ಸಾಕ್ಷಿಯಾಗಿ ಸಂಜೆ 6ಕ್ಕೆ ಮುಕ್ತಾಯವಾಯಿತು.

ಎರಡೂ ದೇಶಗಳು ಪರಸ್ಪರ ಮಿಲಿಟರಿ ಸಂಧಾನ ಮತ್ತು ರಾಜತಾಂತ್ರಿಕ ಮಾರ್ಗ ಗಳ ಮೂಲಕ ಬಿಕ್ಕಟ್ಟನ್ನು ಬಗೆಹರಿಸಿ ಕೊಳ್ಳಲು ಒಪ್ಪಿಕೊಂಡಿವೆ ಎಂದಷ್ಟೇ ತಿಳಿದುಬಂದಿದೆ.

ಸಭೆಯಲ್ಲಿ ನಡೆದ ಚರ್ಚೆಯ ವಿವರಗಳನ್ನು ಭೂಸೇನಾ ಮುಖ್ಯಸ್ಥ ಎಂ.ಎಂ. ನರವಾಣೆ ಶೀಘ್ರವೇ ನೀಡಲಿದ್ದಾರೆ.