ಡಿಜಿಟಲ್‌ ಸ್ಟಾರ್ಟ್‌ಅಪ್‌ ಕರ್ನಾಟಕ ನಂ.1

ಮುಂಬಯಿ: ಕರ್ನಾಟಕ ದೇಶದಲ್ಲೇ ಅತಿಹೆಚ್ಚು ಡಿಜಿಟಲ್‌ ಸ್ಟಾರ್ಟ್‌ಅಪ್‌ ಹೊಂದಿರುವ ರಾಜ್ಯವಾಗಿ ಹೊರಹೊಮ್ಮಿದೆ. ಅಲ್ಲದೇ ಇಂಟರ್‌ನೆಟ್‌ ಸನ್ನದ್ಧತೆಯಲ್ಲಿ ದೆಹಲಿ ನಂ.1 ರಾಜ್ಯವಾಗಿ ಹೊರಹೊಮ್ಮಿದೆ. 

ಕರ್ನಾಟಕ 2ನೇ ಸ್ಥಾನದಲ್ಲಿದೆ.  ಇ-ಮೂಲಸೌಕರ್ಯ, ಇ-ಸಹಯೋಗ, ಮಾಹಿತಿ ತಂತ್ರಜ್ಞಾನ ವ್ಯವಸ್ಥೆ, ಸರ್ಕಾರಿ ಇ-ಸೇವೆ ಕ್ಷೇತ್ರಗಳ ಆಯಾ ರಾಜ್ಯಗಳು ನೀಡುತ್ತಿರುವ ಸೇವೆ ಪರಿಗಣಿಸಿ ಇಂಟರ್‌ನೆಟ್‌ ಆ್ಯಂಡ್‌ ಮೊಬೈಲ್‌ ಅಸೋಸಿಯೇಷನ್‌ ಆಫ್ ಇಂಡಿಯಾ ಮತ್ತು ನೀಲ್ಸನ್‌ ವರದಿ ನೀಡಿದೆ. 

ಭಾರತೀಯ ರಾಜ್ಯಗಳ ಅಂತರ್ಜಾಲ ಸನ್ನದ್ಧತೆ ಸೂಚ್ಯಂಕ ಎಂಬ ಶೀರ್ಷಿಕೆ ಅಡಿ ಈ ವರದಿ ನೀಡಲಾಗಿದೆ. ಡಿಜಿಟಲ್‌ ಸ್ಟಾರ್ಟ್‌ಅಪ್‌ ಕ್ಷೇತ್ರದಲ್ಲಿ ಕರ್ನಾಟದ ನಂತರದ ಸ್ಥಾನಗಳಲ್ಲಿ ಮಹಾರಾಷ್ಟ್ರ, ಕೇರಳ. ತಮಿಳುನಾಡು ಇವೆ.