ಡಿಜಿಟಲ್‌ ಪಬ್ಲಿಕ್‌ ಲೈಬ್ರೆರಿ: ದ.ಕ. ಜಿಲ್ಲೆಗೆ ರಾಜ್ಯದಲ್ಲಿ  ದ್ವಿತೀಯ ಸ್ಥಾನ 

ಮಹಾನಗರ: ಸಾರ್ವಜನಿಕ ಗ್ರಂಥಾಲಯ ಇಲಾಖೆ ಆರಂಭಿಸಿದ “ಡಿಜಿಟಲ್‌ ಪಬ್ಲಿಕ್‌ ಲೈಬ್ರೆರಿ’ಗೆ ದ.ಕ. ಜಿಲ್ಲೆ ಯಲ್ಲಿ ಉತ್ತಮ ಸ್ಪಂದನೆ ದೊರೆತಿದ್ದು, ನೋಂದಣಿಯಲ್ಲಿ ರಾಜ್ಯದಲ್ಲೇ ದ್ವಿತೀಯ ಸ್ಥಾನದಲ್ಲಿದೆ.

ಜಿಲ್ಲೆಯಲ್ಲಿ ಇದುವರೆಗೆ 17,14,579 ಮಂದಿ ಡಿಜಿಟಲ್‌ ಲೈಬ್ರೆರಿಗೆ ನೋಂದಣಿ ಮಾಡಿಕೊಂಡಿದ್ದಾರೆ. ಬೆಂಗಳೂರು ನಗರ 18,76, 677 ಸದಸ್ಯರನ್ನು ಹೊಂದಿ ಪ್ರಥಮ, ಕಲಬುರಗಿ ತೃತೀಯ ಸ್ಥಾನದಲ್ಲಿದೆ. ದ.ಕ. ಜಿಲ್ಲಾ ಕೇಂದ್ರ ಗ್ರಂಥಾಲಯ ವ್ಯಾಪ್ತಿ

ಯಲ್ಲಿರುವ ಗ್ರಂಥಾಲಯಗಳಲ್ಲಿ  ಸೆ. 15ರ ವರೆಗೆ ಒಟ್ಟು 9,33,340 ಮಂದಿ ಡಿಜಿಟಲ್‌ ನೋಂದಣಿ ಮಾಡಿ ಕೊಂಡಿದ್ದಾರೆ. ನಗರ ಕೇಂದ್ರ ಗ್ರಂಥಾಲಯ ವ್ಯಾಪ್ತಿಯ ಗ್ರಂಥಾಲಯ ಗಳಲ್ಲಿ 7,81,239 ಮಂದಿ ನೋಂದಣಿ ಮಾಡಿಕೊಂಡಿದ್ದಾರೆ.

ನೋಂದಣಿ ಹೇಗೆ ?  :

www.karnatakadig italpublic library.orgಅಥವಾ  ಸಾರ್ವಜನಿಕ ಗ್ರಂಥಾಲಯ ಆ್ಯಪ್‌ ಮೂಲಕ ಉಚಿತ ವಾಗಿ ನೋಂದಣಿಯಾಗಬಹುದು. ಮೊಬೈಲ್‌, ಲ್ಯಾಪ್‌ಟಾಪ್‌, ಕಂಪ್ಯೂಟರ್‌ಗಳ ಮೂಲಕ ಡಿಜಿಟಲ್‌ ಲೈಬ್ರೆರಿಯಲ್ಲಿ ಇ- ಪುಸ್ತಕ, ದಿನಪತ್ರಿಕೆ, ನಿಯತಕಾಲಿಕೆಗಳು, ಶೈಕ್ಷಣಿಕ ವೀಡಿಯೋಗಳು ಲಭ್ಯ ಇವೆ. ಹಳೆಯ, ಹೊಸ ಪುಸ್ತಕಗಳು ಸಹಿತ ಗ್ರಂಥಾಲಯದ ಸಮಗ್ರ ಅನುಭವ ಪಡೆಯಬಹುದಾ ಗಿದೆ. ಗ್ರಂಥಾಲಯಗಳಲ್ಲಿಯೂ ಡಿಜಿಟಲ್‌ ಲೈಬ್ರೆರಿ ಬಳಕೆದಾರರಿಗಾಗಿ ಕಂಪ್ಯೂಟರ್‌ ಸಿಸ್ಟಂಗಳನ್ನು ಒದಗಿಸಲಾಗುತ್ತದೆ.

ಯಾವ ಗ್ರಂಥಾಲಯ    ಎಷ್ಟು ಮಂದಿ ನೋಂದಣಿ ?

ಬಾವುಟಗುಡ್ಡೆ  7,78,416

ಕದ್ರಿ       2,823

ಬಂಟ್ವಾಳ           24,082

ಬೆಳ್ತಂಗಡಿ           26,311

ಕಡಬ   20,724

ಮೂಡುಬಿದಿರೆ 22,256

ಮೂಲ್ಕಿ               37,748

ಪುತ್ತೂರು            1,14,122

ಸುಳ್ಯ    21,265

ಉಳ್ಳಾಲ              21,825

2020 ಫೆಬ್ರವರಿಯಲ್ಲಿ ಕೊರೊನಾ ಸಂದರ್ಭ ಡಿಜಿಟಲ್‌ ಲೈಬ್ರೆರಿ ಸೇವೆ ಆರಂಭಿಸಲಾಗಿತ್ತು. ಇದಕ್ಕೆ ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕ ರಿಂದ ಉತ್ತಮ ಪ್ರತಿಕ್ರಿಯ ವ್ಯಕ್ತವಾಗಿದೆ. ಅನೇಕ ಮಂದಿ ಹಿರಿಯ ನಾಗರಿಕರು ಕೂಡ ಡಿಜಿಟಲ್‌ ಗ್ರಂಥಾಲಯದ ಮೂಲಕ ಓದುತ್ತಿದ್ದಾರೆ.–ರಾಘವೇಂದ್ರ ಕೆ.ವಿ.,ಉಪನಿರ್ದೇಶಕರು, ನಗರ ಕೇಂದ್ರ ಗ್ರಂಥಾಲಯ, ಮಂಗಳೂರು